پکتیا ولایتینینگ محلی یوقاری مرتبهلی رسمیلری، مذکور ولایتنینگ جانی خیل تومنیده قوراللی طالبلرنینگ قورشاوو چیزیغی سیندیریلگنلیگی بارهسیده خبر بیرگنلر.
مسووللر، اوشبو منطقهده افغان ملی کوچلری بیلن جنگری طالبلر اورتهسیده یوز بیرگن آتیشمه نتیجهسیده قمل سیندیریلیب، عصیانچی طالبلرنینگ 30تهسی اولدیریلگن لیگینی ایتگنلر. شونینگدیک اوروش عاقبتیده افغان ملی کوچلرینینگ هم 12حربیسی قربان بولگنی ایتیلهدی.
پکتیا ولایت والیسینینگ سوزلاوچیسی نقیبالله اتلگه کوره، اولدیریلگنلر ایچیده چیت ایللیک 9 جنگری هم بولگن.
پکتیا ولایت والیسینینگ سوزلاوچیسی، تومن جنگریلردن تازهلهنیش اوچون هنوز هم عملیات جریانی بارلیگی حقیده تاکید ایتگن.
شونینگدیک تومننینگ بوتون قیشلاقلری دولت قوراللی مخالفلریدن تازهلهنیشی تاکید ایتیلهدی.
هنوزگچه جنگری طالبلر تامانی بو توغریده بیرار نرسه دیمهگن.
