پارلمان نمایندهلریدن بیرقطاری، مجلس بیرینچی اورین باسرینینگ سونگی بیاناتلری خصوصیده، حقیقت تاپیش هیأت تعیین ایتیلیشیگه قرشیلیک بیلدیریب ایتیشیچه، مجلس اعضالرینی حکومت تیکشیرهآلمهیدی.
پارلمان بیرینچی اورین باسری ظاهر قدیر اوتکن هفته (دوشنبه کون)، مملکت امنیت کینگشی و برچه امنیتی رسمیلر داعش گروهیدن حمایت ایتیشینی ایتگن ایدی. شونینگدیک جناب قدیرنینگ ایتیشیچه، داعش گروهینینگ باش قومندانلری پایتختده حیات کیچیرهدی و هردایم دولت بلند مرتبهلی رسمیلری بیلن اوچرهشیب بحث اوتکزهدی.
جناب قدیرنینگ، اوشبو بیاناتلری توغریسیده جمهورلیک ریاستینینگ معلوم قیلیشیچه، حکومت کیمسهگه قوراللی گروه تشکیل ایتیشگه رخصت بیرمهیدی و شونینگدیک، امنیتی ادارهلر رسمیلری، اونینگ بیاناتلرینی مسؤول سیز دیدی.
شونینگدیک، جمهورلیک ریاستی اوتکن هفته پنجشنبه کون معلوم قیلیشیچه، حکومت تامانیدن تروریستی گروهلر حمایه ایتیلیشی خصوصیده، نمایندهلر کینگشی بیرینچی اورین باسرینینگ ادعالرینی تیکشیریش اوچون هیأت تعیین قیلهدی.
بیراق، نمایندهلردن بیرقطاری جناب قدیردن حمایت بیلدیریب ایتیشیچه، حکومت بو ایشلری بیلن نمایندهلرنی اویینگه آلیب و اولرنی سعی و حرکتلریگه توسیق بولهدی. اولرنینگ ایتیشیچه، قانون اساسیده، حکومت پارلمان اعضالرینی بیاناتلری خصوصیده، تیکشیریب و بو توغریده هیأت تعیین قیلهآلمهیدی.
شونینگدیک، جناب قدیرنینگ اوتگن سهشنبه کون مجلس ییغینیده ایتیشیچه، حکومت بو خصوصده حق دار ایمس دیر؛ بیراق حقیقت تاپیشنی ایستهگن صورتده، دستلب ملی امنیت کینگشی مصلحتچیسی حنیف اتمرنینگ وظیفهسینی توختهتیب و اوندن کیین، هیأت اعضاسینی اوچ قوهدن سیلهشی کیرهک.
قدیرنینگ ایتیشیچه، مملکت اساسی قانونینینگ 49- و 101- مادهلری اساسیده، کیمسه مجلس اعضالرینی بیاناتلری خصوصیده، تیکشیرهآلمهیدی.
افغانستان اساسی قانونی 49- مادهسیگه کیلیشیچه، اوروش، طبیعی آفتلر و باشقه خلق آسایشتهلیگینی خواطرگه دوچ کیلتیرهدیگن موضوعلرگه هر بیر یشاوچی سهم آلیب بیلهدی.
شونینگدیک 101- مادهسیگه کیلیشیچه، پارلمان نمایندهلریدن هیچ بیری وظیفهسی جریانیده بیرگن بیاناتلری خصوصیده، عدلی و قضایی ادارهلر تامانیدن تیکشیریلمهیدی.
عین حالده، مجلس نمایندهلریدن بیری سمیعالله صمیمنینگ ایتیشیچه، جمهور رییس غنی و ملی خوفسیزلیک مصلحتچیسی «خاین» دیر و بو توغریده تحقیق قیلهآلمهیدی. جناب صمیمنینگ ادعا قیلیشیچه، حنیف اتمر ایچکی ایشلر وزیری بولگن چاغیده، کوپینچه منطقهلرده طالبلرگه قورال ترقهتگن و انه شو سبب، خاین خطاب بولیشی کیرهک.
ظاهر قدیر کمیده ایکی آی آلدین داعش گروهیگه قرشی کورهشیش اوچون، ننگرهار ولایتی شینواری بارگن ایدی، اوتگن هفته کابلگه قیتدی.
