اوتگن پیتلرده عام و خاص ارهسیده شهرت قازانگن مکان، حاضر مخدر مادهلرگه بیریلگن کیشیلر اوچون گوجوم محلگه اوزگرگن. قلعتالغزنین حاضر غزنی ولایتیده اونلب کیشی مخدر مادهلرگه بیریلگنلری اوچون مخدر ماده قولگه کیریتیش محلگه ایلنگن.
ولایتنینگ مخدر مادهلرگه بیریلگنلریگه کوره، آسانلیک بیلن تورلی مخدر مادهلرنی اوشبو تاریخی حصاردن قولگه کیریته آلهدیلر. اولرنینگ سلام وطندارگه معلوم قیلیشلریچه، مذکور منطقهده 20دن آرتیق کیشی مخدر مادهلرنی ساتهدی و امنیتی کوچلرهم اولرنینگ فعالیتی آلدینی آلیشگه اولگور میدی. مخدر مادهلرگه بیریلگنلر ساحهده بنگیوار مادهسینی ساتیوچیلر بیلن محلدهگی ملی کوچلرنی قولی بار.
مخدر مادهلرنی قولگه کیریتیش اوچون انده – سنده مذکور محلگه کیلهدیگنلردن جاویدگه کوره، نیچه مرته مخدر مادهنی ترک قیلگن، ایشسیزلیک، عایله وی و اجتماعینینگ یامان یاندهشیشی، دولت اعتبار قرهتمهگنی و مخدر مادهلرنی کینگ کولمده تاپیلیشی قیتهدن مذکور مادهگه یوزکیلتیرگنلیگیگه سبب بولگن. جاوید، مخدر مادهلرنی ساتهدیگنلرگه پولیس همکارلیک قیلهدی دیگن.
اونینگ سوزلریگه کوره، ایریم پولیسلر اوشبو محلگه انده – سنده باش اوریب، مخدرمادهلرگه بیریلگنلرنی پولی، مبایلی و باشقه نرسهلرینی اوزلری بیلن آلیب کیتهدی و ایریم وقتلرده امنیتی پوستهلرده ایش قیلیش اوچون بنگی وار مادهسیگه بیریلگنلردن ایش آلهدیلر.
غزنی مخدر مادهلر ایشلب چیقاریلمیدیگن ولایتلردن، اما، مذکور ولایتگه امنیتی بیلباغلردن قندهی قیلیب مخدر مادهلر آلیب کیلینهدی؟ کوپ سعی وحرکت بیلن مذکور سوراق جوابینی مخدر مادهلرنی ساتیش بیلن شغلنهدیگن شخصدن آلیشگه موفق بولدیک.
اوز اسمی تیلگه آلینشینی ایستمهگن بو کیشیگه کوره، مخدر مادهلرنی شهرگه کیلتیریش اوچون خوفسیزیلیک بیلباغلرگه پاره بیرهدیلر. شونینگ بو مادهنی غرنیگه کیلتیریش اوچون بالهلر همده خاتینلردن فایدهلنهدیلر. اوشبو مخدر ماده ساتیووچی شخص چرس، پودر، هیرویین و شیشه کبی مادهلردن پول قولگه کیریتیشنی اظهار قیلگن.
شونینگدیک مذکور ولایتگه مخدر مادهلر کیلتیریلیشی اوچون امنیتی رسمیلرنی قولی بارلیگینی تصدیقلهگن ولایت امنیه قوماندانی امینالله امرخیلگه کوره، یقینده قولگه کیریتیلگن گزارشلرده شهرگه مخدر مادهنی آلیب کیریش اوچون پولیس منصبدارلریدن بیر قطارینینگ قولی بارلیگی حقیده معلومات قولگه کیریتلگن. جناب امرخیل، ولایتگه مخدر مادهلر آلیب کیلینمسلیگی همده اوشبو مادهلرنی سایتیش آلدی آلینیشی اوچون معین برنامه نظرده توتگنلیکلرینی بیلدیرگن.
شوکبی اونینگ سوزلریگهکوره، ملی کوچلر طرفیدن سوء استعمال ایتیلیب مخدر مادهلرگه بیریلگنلردن ایش آلینیشی ناقانونیدیگن و او بوندهی عملنی بجرهدیگنلر بیلن قانون یوزهسیدن یاندهشیلیشینی بیلدیرگن.
غزنی ولایتی مخدر مادهلرگه بیریلگنلرنی دوالش مرکزی مسوولی نصرالله نعیمی، ولایتده مخدر مادهلرگه بیریلگنلر سانی آشگن لیگی بارهسیده خبر بیرگن. جناب نعیمی، شهرده مخدر مادهلرنی کوپدن – کوپ تاپیلیشی کوپینچه دوالنگنلر ایجابی نتیجه بیرمهگن. اونینگ سوزلریگه قرهگنده حاضر 3500 کیشی مذکور مرکزده دوالنگن.
مخدر مادهلر قاچاق ایتیلیشی حقیده گپیرگن جناب نعیمی بعضی وقتلرده ملازملر هم مذکور شخصلر طرفیدن تهدید ایتیلگنلر.
قلعتالغزنین ناملی بیلن تانیلگن قعله غزنین تاریخی میلاددن آلدینگه باریب تقیلهدی. اوشبو قلعه ایریم عصرلرده کلیدی مکان صفتیده فایدهلنیلگن.
یعقوبلیث صفاری 257- 259- ییللرده مذکور قلعهنی حربی قرارگاه صفتیده فایدهلنگن. قلعتالغزنین مسعود سوم زمانیده حربی قرارگاه مرکزی حیثیده ایش آلینیگن. ایتیلیشیچه، مذکور قلعه انگلیس و افغانستان اوروشی زمانیده هم استراتیژیک حربی قرارگاهلردن بولگن.
