افغانستان اجرایی ریاست باشلیغی عبدالله عبدالله نینگ ایتیشیچه، اولکه یشاوچیلری نینگ قاچیشلری آلدینی آلیش اوچون امکانات و سهولت‌لر کیلتیرماقده‌لر.
شوییل باشله نیشی بیلن قشاقلیک، ناتینچ‌لیک و ایش سیزلیک قیینچی‌لیکلری سبب بولگن تا کوپلب اولکه یاش یشاوچیلریدن یخشی حیات کیچیریش نیتیده اروپا و غربی اولکه‌لر اینیقسه آلمان جونه گنلر.
آلمانده‌گی قاچقینلرنینگ ایتیشیچه، اولرگه حجت‌لری تیکشیریلمس‌لیک باره‌سیده آگاهلنتیریلیب شو سونگیده آلماننی اوز اختیارلریده ترک قیلیش سوزی اوشبو مملکت رسمیلری تامانیدن ایتیلگن.
اوتگن هفته هم آلمان ایچکی ایشلر وزیری توماس دیمیزیر افغان قاچقینلریدن کوپیسی اولکه لریگه قیته جونه تیله‌دی دیگن ایدی.
عبدالله گه کوره، آلمان اولکه سیدن افغان قاچقینلرینی چیقاریش نیتیده بولسه، بو چیقاریش باید قانون چهارچوبه‌سی اساسیده عملگه آشیریلسه. او، اولکه دن اقتصادی قیین‌چلیک سبب کیتگن یشاوچیلر اوچون هیچ بیر اروپالیک اولکه قبول قیلمس‌لیگیگه تأکید قیلدی.
بوگون جناب عبدالله مدنی جامعه نماینده‌لری بیلن اوتکزگن اوچره شووده افغان یشاوچیلری نینگ اولکه دن چیقیش دلیللری اقتصادی قیین‌چیلیک ایمس، بلکیم کیله‌جکده ایشانچلری بولمه گنلیگی دیب بیله‌دی. اونینگ کوپه‌یتیریشیچه، اروپالیک اولکه‌لر بیلن قیلینگن کیلیشوونامه‌ده اروپالیک اولکه‌لر تامانیدن چیقاریله‌دیگن قاچقینلر ناتینچ ولایتلر اهالیسی بولمس‌لیگی تأکید ایتیلگن و باید بو اولکه‌لر بیرییل گه قدر اولرنی اسره‌شلری کیره‌ک.
کینگش اعضالریدن کوپیسی هم مهاجرلر ایریم قیین‌چلیکلرنیی تحمل قیلیب اروپالیک اولکه‌لرگه ییتیب بارگنلر و اگر تیزدن اولکه گه قیتریلگن صورتده، اولر کوپلب ضرر کوریشلری ممکن دیدیلر. پارلمان اعضالریدن بیری محمد اکبری نینگ ایتیشیچه، آلمان ایلچی خانه سیدن افغان قاچقینلرینی حاضرگی شرایطده چیقارمسلیگینی تقضا قیلینسه باید.
بیرلشگن ملت‌لر تشکیلاتی گزارشیگه کوره، شو ییلده افغانستان، سوریه و ایراندن اروپالیک اولکه‌لرده بارگن قاچقینلر سانی 381 مینگ کیشیگه ییتیب بارگن و بولردن 77 مینگ کیشی افغانستان‌لیک دیر که اوتگن ییلگه قره‌گنده 58 مینگ کوپه‌یگن.
