«مجاهدلر ایستهگینی ایجابت قیلینگلر، بیزلرنی حیاتیمیز خطرگه دیر. بیزلرنینگ قانیمیز قولیمیزده دیر. یلوارهمیز بیزلرنینگ حیاتیمیز بیلن اوینه منگلر، بیزلرنینگ قوییب یوباریلیشیمیز مجاهدلر عیالی و فرزندلرینینگ قوییب یوباریلیشیگه باغلیق».
بو، اوتکن ییل اوغیرلنگن 31 یوللاوچی جملهسیدن اوغیرلاوچیلر قمراویگه قالگن 10 یوللاوچیدن بیری محمدیوسفنینگ آودیو سیسده ایتکن ایستهگی دیر.
یوسف و باشقه 30 همراهسی اوتکن ییل حوت آیینینگ 4 ده زابل ولایتی شاه جوی تومنیده ناتانیش قوراللی کیشیلر تامانیدن اوغیرلنگن. اوشبو یوللاوچیلر اوغیرلنگنیدن کیین، اولرنینگ تقدیری خصوصیده حکومت دقت سیزلیگی باعث، اوغیرلنگنلرنینگ عایله اعضالری و مدنی جماعهچیلیک فعاللری اولرنینگ قوییب یوباریلیشی خصوصیده ناراضیلیک نمایشلر یولگه قویدی.
نتیجهده، 76 کون اوتکنیدن کیین، اوغیرلنگنلردن 19 تهسی حبسگه آلینگن اوزبیک تبارلر قوییب یوباریلیشی بدلیگه قوییب یوباریلدی. بیراق حاضر 19 یوللاچینینگ قوییب یوباریلگنیدن کمیده 7 آی اوتیب بارماقده، حکومت اوغیرلاوچیلرنینگ قمراویگه قالگن یوللاوچیلرنینگ قوییب یوباریشیگه قادر بولمهگن.
ایتیلیشیچه، 31 یوللاوچیدن بیری توتقونگه آلینیش جریانیده طبیعی اولیم بیلن جان بیرگن و اولردن باشقه بیری اوغیرلاوچیلر تامانیدن اولدیریلگن.
سلاموطندار تامانیدن قولگه کیریتیلگن آودیو سیسده 8 ایرکک و 2 عیالنینگ سیسی ثبت ایتیلگن کیم 8 آیدن بویان اوغیرلاوچیلر قمراویگه بولگن. اولر بو آودیوده حکومتدن اوغیرلاوچیلرنینگ ایستهگیگه تن بیریب و جانلرینی قوتقریشینی سورهگن؛ تن بیریلمهگن صورتده، اوغیرلاوچیلر تامانیدن اولدیریلیشلری ممکن.
شونینگدیک اوشبو یوللاوچیلرنینگ مذکور آودیوده ایتیشیچه، بوندن آرتیق قیناق و عایله اعضالریدن اوزاقلیککه چیده آلمهیدیلر.
یوللاوچیلردن باشقه بیری محمدرضانینگ اوشبو آودیو سیسده ایتیشیچه، «بیزلرنینگ حیاتیمیز حکومت رهبرلرینینگ قراریگه باغلیق؛ یلواریش، ییغلهماق و دعا فایده قیلهدی. بیزلرنینگ حیاتیمیز یالغیز دولت چیلرنینگ قراریگه باغلیق».
امنیتی رسمیلر و ایچکی ایشلر وزیرلیگی بیلن ملی امنیت ریاستی سوزلاوچیلری بو توغریده سلاموطندار بیلن صحبت اوتکزمهگن.
شوندهی حالده، ملی امنیت ریاستی قوییب یوباریلگن 19 یوللاوچیگه میدیاده سوزلشگه رخصت بیرمهگن.
بیراق، پارلمان نمایندهلریدن بیرقطارینینگ ایتیشیچه، حکومت رهبرلری گروگه آلیش موضوعسینی جدی توتمهگن، انه شو سبب، سونگی پیتلرده گروگه آلیش کوپهیگن.
شونینگدیک غزنی خلقی پارلماندهگی نمایندهلردن بیری محمدعلی علیزادهنینگ ایتیشیچه، حکومت اوغیرلاوچیلر قمراویگه قالگن یوللاوچیلرنینگ قوییب یوباریلیشی خصوصیده، جدی صورتده چاره تدبیر کوریشی لازم.
آتم قچان کیلهدی؟
اوغیرلنگن یوللاوچیلرنینگ عایله اعضالری 8 آیدن بویان عزیزلرینینگ قوییب یوباریلیشیگه امید بیلدیریب تحصن خیمهلریده حیات کیچیریب ایتیشیچه، حکومت قمراوگه قالگن یوللاوچیلر و عایله اعضالرینینگ ایستکلرینی ایسدن چیقارگن. اوشبو عایلهلرگه کوره، 19 یوللاوچی قوییب یوباریلگنیدن کیین، باشقه کیمسه اولرنینگ سیسیگه قولاق سالمهگن.
مذکور یوللاوچیلردن بیرینینگ آتهسی محمد مبین، حکومت دقت سیزلیگیدن تنقید قیلیب ایتیشیچه، «قیسی حکومت، قنقه حکومت؟ بونی حکومت دیب بولمهیدی؛ چونکه خلق آوازیگه دقت قیلمهیدی».
تورموش اورتاغی اوغیرلاوچیلر قمراویگه قالگن بیبی قمرنینگ ایتیشیچه: « 9 آیدن بویان رنج ییلتهدی. بالهلریم کیچه و کوندوز میندن سورهیدی: آتم قچان کیلهدی؟».
شونینگدیک قمرنینگ ایتیشیچه، حکومت رهبرلریدن بیرینینگ فرزندی، مذکور یوللاوچیلرنینگ ایچیده بولگندی، هیچ قچان 9 آی قماققه قالمسدی. اونگه کوره، «کیمسه کم بغللرنینگ فرزندیگه دقت قیلمهیدی».
مذکور یوللاوچیلرنینگ عایله اعضالریگه کوره، حکومت رسمیلری، 19 یوللاوچی قوییب یوباریلگنیدن کیین، قالگن یوللاوچیلر قوییب یوباریلیشی خصوصیده، اویلمهگن. اولرگه کوره، اوشبو رسمیلر قالگن یوللاوچیلرنینگ تیریک و اولیگیدن خبر ایمس دیر.
ایتیلیشیچه، طالبلر و باشقه تروریستی گروهلر، زابلدن 31 یوللاوچی اوغیرلنگنیدن کیین، باشقه نیچه یوللاوچینی غزنی ولایتی جاغوری تومنی قتناو یولیدن اوغیرلگن و اوغیرلنگنلردن بیرقطاری حاضرگچه قوییب یوباریلمهگن.
زابل و غزنیدن اوغیرلنگنلر مسئلهسی سونگی پیتلرده غزنی ولایتی جاغوری و زابل ولایتی خاک افغان تومنلری خلقینینگ اورتهسیده قرهمه قرشیلیکلرگه سبب بولگن. جمهورلیک ریاستی اوتکن هفته، مذکور تومنلردهگی قرهمه قرشیلیکلرنی یکونلنتیریش اوچون بیرهیأت یوبارگن ایدی. جمهورلیک ریاستی هیأتینینگ جاغوری تومنی خلقیگه سوزبیریشیچه، حکومت تیزلیکده اوغیرلاوچیلر قمراویگه قالگن یوللاوچیلرنینگ قوییب یوباریلیشی خصوصیده عملیات اوتکزهدی.
