لوگر ولایتیده امنیتی کوچلرنینگ ایتیشیچه، مذکور ولایتده امنیتی کوچلر تامانیدن یولگه قویلگن تازهلش عملیات نتیجهسیده کمیده 55 طالب هلاک بولگن و باشقه 18 جنگری تن جراحت آلگن.
لوگر پولیسی نینگ قوماندانی عبدالحکیم اسحقزی نینگ سلام وطندارگه ایتیشیچه، اولرنینگ برهکی برک، چرخ، محمدآغه و خروا تومنلریده یولگه قویگن. عملیاتلر نتیجهسیده 10لب طالب هلاک بولگن.
جناب اسحقزیگه کوره، بو عملیات نتیجهسیده آغیر و یینگیل قورال هم اولرنینگ قولیگه توشگن.
شونینگدیک مذکور عملیاتده امنیتی کوچلردن 5 تهسی هلاک بولگن و باشقه 5 تهسی یره لنگن.
لوگر امنیتی مسووللریگه کوره، حاضرگچه امنیتی کوچلرنینگ عملیاتی مذکور ولایتنینگ ایریم منطقهلریده دوام ایتماقده.
باشقه تاماندن، لوگرده هوا کوچلر هجومی نتیجهسیده 6 قوراللی طالب هلاک ایتیلگن.
امنیتی رسمیلر، مذکور هجوم بوگون ایرتهلب ساعت تورت اطرافیده ولایتنینگ ازره تومنی «سپین جماعت» منطقهسیده اویوشتیریلگنینی ایتگنلر.
لوگر ولایتی امنیه قوماندانی نینگ ایتیشیچه، هجوم امریکهنینگ اوچوچیسیز باشقریلهدیگن طیارهلری آرقهلی عملگه آشیریلگن.
هجومده هلاک بولگنلرنینگ ایکّی نفری قوراللی طالبلرنینگ قوماندانی ایکنی ایتیلهدی.
عینحالده، افغان ملی کوچلری قوراللی طالبلرنینگ 69 نفری اولدیریلگنی همده 62 کیشیسی تن جراحتی آلگنلیگینی ایتگنلر.
عملیاتلر قندهار ولایتیده اوتکزیلگن. قندهار امنیه قوماندانی ضیا درانی نینگ سوزلریگه کوه، اوشبو عملیات جاری آی جریانیده افغان ملی کوچلری تامانیدن اوتکزیلگن.
شونینگدیک قوماندان اوروشده جنگریلرنینگ آغیر و یینگیل قورال اسلحهسی هم قولگه کیریتیلگنی تاکیدلنهدی.
طالبلر هنوزگچه بو بارهده هیچ نرسه دیمهگن.
قوراللی طالبلر بهار فصلی باشلهنیشی بیلن اوز هجوملرینی مملکت نینگ ایریم ولایتلری جملهدن بادغیس، لوگر، هرات، ارزگان، قندوز، هلمند و فاریاب ولایتلریده آشیرگنی ایتیلهدی.
