افغانستان سنا مجلسینینگ قطار اعضالری مملکتنینگ ایریم حدودلریده نابرقرارلیک دوامی بارهسیده خبر بیرگنلر. سناتولر، مساله اوچون حکومتنی تفاوتسیزلیککه عیبلهماقدهلر.
بوگون سنامجلسینینگ ییغینیده سوزلهگنلردن حنیف حنیفینینگ سوزلریگه کوره، امنیت تامین ایتلیشی اوچون حکومتنینگ بی فرق قالگنلیگی دولت قوراللی مخالفلر روحیه آلیشیگه سبب بولگن. انه شو سبب هم دولت قوراللی مخالفلری مملکت نابرقرارلیگی اوچون سعی و حرکت قیلهدی.
مذکور سوزلر، دوشنبه دن سه شنبهگه اوتر کیچهسی قوراللی طالبلر هلمند ولایتینینگ خانشین تومنینی اشغالیگه آلگن بیر پیتده تیلگه آلینماقده.
قوراللی طالبلر بیلن ملی کوچلر اورتهسیده یوز بیرگن ضدیتلرگه اوزگریش کیلگن بولمسه – ده اما، هنوز هم افغانستان حکومتی تینچلیک مذاکرهسی اوچون خوش بین کورینهدی.
سنا مجلسینینگ اعضالری افغانستان حکومتیدن قوراللی طالبلرگه نسبتن اوز موقعینی معلوم قیلیشینی سورهگنلر.
مجلس اعضالریدن بیری نصرتیار، افغانستان حکومتی امکان قدر تینچلیک مذاکرهسی عملگه آشیریلیشی اوچون سعی و حرکت قیلیشنی طلب قیلگن. شونینگدیک حزب اسلامی رهبری همده دولت قوراللی مخالفلریدن بیری جناب گلبدالدین حکمتیارنی تینچلیک مذاکرهسیده اشتراک قیلیشی بارهسیده اشاره قیلگن نصرتیار، حکومت بوندهی فرصتدن ییریک فایدهلهنیشی لازم.
افغانستان اسلام حزبی بوندن ایکی کون آلدین بیر اعلامیه نشر قیلیب، حکومت بیلن طالبلر ارا اوتکزیله دیگن تینچلیک مذاکرهسیده اشتراک قیلیشنی بیلدیردی.
حزب اسلامی حرکتی تینچلیک مذاکرهسیده قتنهشیشی افغانستان حکومتی قاله ویرسه اهالی تامانیدن خوش قرشیلندی. بو ایسه مملکتده یرهش تامین ایتلیشی اوچون اساسی بیر آدیم حسابلنهدی.
شونینگدیک سنامجلسینینگ بوگونکه ییغینیده دنیا جماعهچیلیگینینگ کیلگوسی ییلده نابرقرارلیکلر میزانی آشیشی اوستیده تشویش بیلدیرگنی اوچون خواطر بیلدیریلگنلر.
افغانستانلیک سناتورلر بوندی اظهاراتلر خلق ذهینیگه سلبی تاثیر قالدیرهدی دیب، بوندهی مسالهلر اوچون حکومت حل یول قدیریشگه مجبور دیگنلر.
عین حالده، افغانستان سنا مجلسینینگ باشلیغی عبدالهادی مسلمیار، مجلسنینگ کیلگوسی ییغینیده ملی خوفسیزلیک، ایچکی ایشلر همده مدافعه وزیرلیکلرینینگ سرپرستلری چقیریلیشی بارهسیده قرار آلگن.
