جمهور رییس محمداشرف غنی، سیلاو نظامی‌گه اصلاح کیلتیره‌دیگن کمیسیون اعضالری بیلن جمهورلیک سرایی‌ده اوتکزگن اوچره‌شوویده، مذکور کمیسیون ایشی دوام تاپه‌دی و جمهورلیک سرایی سیلاو نظامی اصلاح بولیشی اوچون حمایت قیله‌دی دیگن.
بوگون (پنج‌شنبه) توشدن آلدین اجرایی ریاست باشلیغی، جمهور رییس ایکینچی اورین باسری و افغانستان اوچون بیرلشگن ملت‌لر تشکیلاتی ویژه نماینده‌سی حضوریده اوچره‌شوو اوتکزیلگن.
اوشبو اوچره‌شووده، سیلاو نظامی‌گه اصلاح کیلتیره‌دیگن کمیسیون اعضالری ایش گزارشلری و پیشنهادلرینی ارایه قیلگن‌لر.
کمیسیون اعضالری اولکه 7 ولایتی‌گه سفر قیلیب اهالی بیلن اوچره‌شیب، اولرنینگ 200 صحیفه لیک پیشنهادلرینی آلگن‌لیگی‌نی بیلدیره‌دی.
رأی بیرهدیگنلر لیستی انیقله‌نیشی، اهالی و نماینده‌لر رابطه‌سی منتظم شکلی‌ده بولیشی، آواز بیرهدیگنلر اوچون رأی بیره‌دیگن محل‌لر فاصله‌سی قیسقرتیریلیشی، پارلمان‌ده کاندید قیله‌دیگنلر تحصیلی شرایطی‌نی انیقلتیریش، عیاللرگه کوپراق اورین بیریش، سیلاوکمیسیونلری‌ده ینگی کمیته سیغدیریش، کمیسیون اعضالری ایش وقتی انیقله‌نیشی، کمیسیونلر ایشی تینیق‌لیگی‌دن جواب بیریش کمیته‌سی ایجاد ایتیلیشی، سیلاو اوتکزیلیشی‌ده مصرف‌لر آلدی آلینیشی اوچون دولتی ایشلاوچیلردن ایش آلیش و سیلاو تیزیمی‌گه اوزگریش کیلتیریشلر، جمهور رییس‌گه مذکور کمیسیون تامانیدن ارایه بولگن.
جمهورلیک سرایی تامانیدن ترقه‌تیلگن خبرنامه‌ده کیلیشیچه، جمهور رییس اوشبو کمیسیون اعضالری ایشینی آلقیشلب، آز مدتده مهم مساله‌لرگه ایتیشگن‌لیکلرینی بیلدیردی.
جناب غنی سیلاو کمیسیونلریگه اصلاحات کیلتیریش اوچون جدیت بیلن ایش بولیشی، دموکراتیک تیزیمی‌نینگ کوچله‌نیشی و اهالی ایشانچی‌نینگ قولگه کیریتیش اوچون مهم بیله‌دی.
جمهور رییس نینگ اورغوله‌شیچه، کمیسیون باید اهالی ایسته‌گی اساسی‌ده واقعیت‌لرکوزگه توتیلیب، طرف‌سیز و تینیق‌لیک بیلن ایشلریگه تصمیم آلسین‌لر.
اونینگ تأکیدیگه کوره، سیلاو تیزیمی‌گه اصلاح کیلتیره‌دیگن کمیسیون بیرینچیدن باید پارلمانی سیلاو تاریخی‌نی انیقلش پیشنهادینی بیریشلری کیره‌ک.
اجرایی ریاست باشلیغی عبدالله عبدالله هم اوشبو اولتیریشده، کمیسیون اعضالری بیلن پیشنهادلری عمل‌گه آشیریلیشی اوچون بحث‌لرینی دوام بیریشینی بیلدیرگن.
شونینگ‌دیک افغانستان اوچون بیرلشگن ملت‌لر تشکیلات ویژه نماینده‌سی تادامیچی یاماموتونینگ بیلدیریشیچه، کمیسیون پیشنهادلری کیله‌جکده افغانستان‌ده دموکراسی کوچله‌نیشی اوچون اهالی ایشانچی‌نی قولگه کیریتیش باره‌سیده یاردم بیره‌دی.
اوتگن یک‌شنبه کونی سیلاو نظامی‌گه اصلاح کیلتیره‌دیگن کمیسیون اعضالری، اوشبو کمیسیون ایشی باشله‌نیشی‌دن قیرق کون اوتیشی بیلن، اوز پیشنهادلرینی بیرینچی مرته اجرایی ریاست باشلیغی‌گه ارایه قیلدیلر. اجرایی ریاست باشلیغی‌نینگ بیلدیریشیچه، مذکور کمیسیون 11 ماده‌لیک پیشنهادی مهم دیر و تیزلیک‌ده عمل‌گه آشیریش ایشی باشلنه‌دی.
