مملکت ملی فوتبال تیمی 2018- ییل دنیا جامی بیلن آسیا جامی بیلشوولریگه یول تاپیش خصوصیده، ایرته سوریه برابریده اوینهیدی.
مملکت فوتبال فدراسیونی تامانیدن ترقهتیلگن خبرنامهگه کوره، افغانستان بیلن سوریه اویینی مذکور مملکت امنیتی وضعیتی یمان بولگنی باعث، ایرته کابل وقتی کیچ قورون ساعت 8 ده عمان مسقط شهری سیب میدانیده اوتکزیلهدی.
اوشبو بیلشوولرنی باریش اویینی اوتکن آی ایرانده اوتکزیلیب و سوریه برابریده افغانستان 0-6 نتیجهسی بیلن مغلوب بولگن. خبرنامهده کیلیشیچه، ملی فوتبال تیمی ایرته اویینی اوچون، جدی صورتده تمرین قیلگن.
افغانستان و سوریه داورلری قرغزستان مملکتیدن تعیین بولگن.
ایتیلیشیچه، ملی فوتبال تیمی 2018- ییل دنیا جامی بیلن 2019- ییل آسیا جامی بیلشوولریگه یول تاپیش خصوصیده، روسیه میزبانلیگیده «A» گروپیده اوینهیدی.
اوشبو اویینلرنی باریش باسقیچیده، حاضرگچه افغانستاننی کمبوجیا برابریده بیر یوتوقلیگی بار و باشقه اوچ اویینده سوریه، جاپان و سنگاپور تیملری برابریده مغلوب بولگن.
ینگی درجه بندلیککه کوره، افغانستان اوچ امتیاز بیلن سیلش بیلشوولریده تورتینچی درجهده توختهگن، بیراق دنیا فوتبال فدراسیونی رویخطیده، افغانستان 150- درجهده و سوریه 123- درجهده توختهگن.
