بغلان ولایتی دندغوری اهالیسیدن بیرقطارینینگ ایتیشیچه، قوراللی طالبلر حاکمیتیده بولگن منطقهدن عشر و ذکات توپلش یانیده، قورال جهازلرینی محل یشاوچیلریدن تأمینلهیدی.
اوشبو یشاوچیلرنینگ سلاموطندارگه ایتیشیچه، طالبلر آذوقه، حربی جهازهزینهسی و جنگریلر معاشینی، مذکور ولایت بای کیشیلری و ییردارلریدن زوروانلیک بیلن قولگه کیریتهدی.
اوشبو یشاوچیلردن بیرقطاری طالبلر ایستهگیگه تن بیرمهگنلری باعث، کلتکلنگن. حاضر دندغوری یشاوچیلریدن کوپینچهسی اویلرینی ترک ایتکن و طالبلر حاکمیتیده بولگن منطقهدن چیقیش اوچون سعی و حرکت قیلهدیلر.
طالبلرنینگ محل یشاوچیلریگه اساسلب ایتیشیچه، اولر ایرکین صورتده جهاد میدانیده حضور تاپمهیدیلر، طالبلرگه حربی جهاز، آذوقه مادهلری و کییم آلیشگه یاردم بیریشلری کیرهک.
دندغوری یشاوچیلریگه کوره، طالبلر گروهی اعضاسی اویلر ایشیگینی اوریب، خلقدن عسکر و باج آلهدیلر.
بغلان پولیس قومندانلیگی سرپرستی و امنیت آمری عبدالرشید بشیر بو موضوعنی تأیید قیلیب سلاموطندارگه ایتیشیچه، دندغورینی طالبلردن قیتهآلیش اوچون کینگ کولمده عملیات یولگه قویگنلر.
اوچ آیدن بویان، مرکزی بغلان پلخمری شهری دندغوری منطقهسی طالبلر اختیاریده بولگن. طالبلر اوتکن بیر هفته جریانیده، 12 مسجدنی اوتکه یاندیرگنلر. و بیر آیدن بویان دندغوری تومنی یولی حکومت مامورلری یوزیگه یاپگن و بو ایش خلقنی جدی قیینچیلیککه روپهره قیلگن.
