طالبان گروهی بیر خبرنامه آرقهلی، آمریکا جمهور باشلیغی دونالد ترامپ نینگ صحبتلریگه قرشی کیلیب و اوشبو صحبتلرنی مسوولانهسیز بیلگن.
آمریکا جمهور باشلیغی دونالد ترامپ اوتگن "دوشنبه" کونی پاکستان باش وزیری عمران خان بیلن اوچرهشوویده، آمریکا اراده قیلگن صورتده، بیرهفته جریانیده افغانستان اوروشیگه موفق بولهدی، بیراق، بو یولده 10 میلیون کیشی هلاک ایتیلیب و افغانستانی دنیا نقشهسیدن نابود ایتیلیشی ممکن دیگن ایدی.
طالبان گروهی، ترامپ نینگ افغانستانده پولیس اورنینی اوینه آلمسلیگینی تصدیقلگن، بیراق چنگیز، انگلیس و سابق شوروی افغانستانی دنیا نقشهسیدن نابود قیلیش آرمانینی اوزلری بیلن قبرستانگه آلیب کیتگن.
خبرنامه آرقهلی طالبان گروهی نینگ ادعا قیلیشیچه، آمریکالیکلر افغانستان تاریخینی بیلمهیدی و افغانستان نینگ دنیا آمپراتورلریگه قبرستان بولگنی خصوصیده معلوماتلری یوق.
آمریکا جمهور باشلیغی نینگ صحبتلری افغانستان سیاستچیلری جملهدن جمهورلیک ریاستی نینگ جدی قرشیلیگی بیلن روپهره بولگن. جمهورلیک ریاستی بیر اعلامیه آرقهلی، واشنگتندن بو موضوعنی آچیقلیشینی سورهگن.
دونالد ترامپ نینگ صحبتلریگه قرشی تنقیدلر کوپهیگن، بیراق واشنگتن حاضرگهقدر بو توغریده فکر بیلدیرمهگن.
