مملکتنینگ شمال شرقیده جایلشگن تخار ولایتینینگ محلی بلند مرتبهلی رسمیلری، قاچاقچیلر مخدر مادهلرنی ماورای کوکچه ولسواللیک یولی آرقهلی تاجیکستانگه آلیب اوتیشینی ایتگنلر. تخار ولایت سرپرستینینگ سوزلاووچیسی سنتالله تیمورنینگ سلام وطندارگه ایتیشیچه، قاچاقچیلر، اختیاریده بولگن امکانیتلردن فایدهلهنیب چیگرهنینگ ایکی تامانیده مخدر مادهلرنی قاچاق ایتهدیلر.
جناب تیمور، قاچاقچیلر کوپینچه محلی علاقهلر دن فایدهلهنیب بنگیوار مادهلرنی قاچاق ایتیشگه قول اوره دیلر دیگن. شونینگدیک تیمور، مخدر مادهلر قاچاقی آلدی آلینیشی اوچون افغانستان دولتی تاجیکستان چیگره چیزیغیده پولیس پوستهسی ایجاد ایتگن لیگینی معلوم قیلگن.
اونینگ سوزلریگه کوره، امنیتی کوچلر هنوزگچه محلی رسمیلر بیلن علاقهسی بولگن قاچاقچیلرنی تَنیشگه موفق بولمهگن.
عین حالده، تخار ولایت سرپرستینینگ سوزلاووچیسی تاجیکستانگه مخدر مادهلر قاچاقی آلدی آلینیشی اوچون ینگی لایحهلر قولگه آلینگن لیگیدن خبر بیرماقده.
محلی رسمیلر و قاچاقچیلر علاقهسی
تخار ولایتی مدنی جماعهچیلیک ادارهسینینگ فعاللریدن اسلامالدین رحیمی، تاجیکستان بیلن چیگرهداش ولایتلر آرقهلی مخدر مادهلرنی قاچاق ایتیلیشی عادی بیر ایش بولگنلیگینی سوزلهگن. اونگه کوره، کوپینچه قاچاقچیلر نینگ محلی مسووللر بیلن علاقهسی بار.
تخار ولایت سرپرستینینگ سوزلاووچیسی محلی رسمیلرنی قاچاقچیلر بیلن علاقهسی بولگن لیگینی تصدیق لمسدن، اما سونگی بیرنیچه وقتده دشت قلعه و روستاق ولسواللیکلرینینگ پولیس قوماندانلری قوشیمچه قطار پولیسلر مخدر مادهلر قاچاقچی بیلن علاقهسی بارلیکده عیبلهنیب اوشلنگنلیکلرینی ایتگن.
افغانستان و تاجیکستان چیگرهسی اورتهسیده مخدر مادهلرنی قاچاق ایتیلیشی نیچه ییللردن بیری ایکّی مملکت اوچون جدی قیینچیلیک توغدیرگن مسالهلردن سنلهدی. روسیه نینگ مالی و حربی همکارلیگی بیلن تاجیکستان دولتی مخدر مادهلرگه قرشی کورهشیش اوچون ایشلهگن لایحهسی هنوز دییرلی ایجابی نتیجه آلیب کیلمهگنلیگی ایتیلهدی.
