اسمی سِر سقلهنیشینی ایستهگن انیق بیرمنبع نینگ سلاموطندارگه ایتیشیچه، اوزبیکستان اسلامی تحریک حزبی نینگ سابق باشلیغی طاهر یولداش نینگ اوغلی داعش گروهیگه یاردم بیریش و مذکور گروه جنگریلرینی بیرلشتیریب اوروشتیریش اوچون سرپل ولایتی نینگ صیاد تومنیده کیلگن.
منبع گه کوره، شوحاضر سرپل ولایتی نینگ کوهستانات و صیاد تومنلریده 4 مینگ طالب، داعش و تشقی جنگریلر جایلشگنلر.
منبع نینگ آگاهلنتیریب ایتیشیچه، تیزلیکده مذکور تومنلرده پاکلش عملیات اوتکزیلمهگن صورتده، صیاد تومنی سقوط قیلیشی بیلن قوشنی تومنلر داعشگه تینچ منطقه بولیب مذکور گروه نظارتیگه اوتهدی.
طاهر یولداش اورته آسیا اسلامچیلرجنبشی باشقرووچیلریدن بولیب و اونگه یاردم بیرهدیگنلردن کوپیسی اوزبیک، تاجک و قیرغیزلر بولگن.
1991 میلادی ییللرده یولداش اوزیگه طرفدار اوزبیک ییگیتلری بیلن نمنگان والیسی نینگ دفتریده هجوم قیلیب و مذکور ولایتده دولتی تأسیساتلرنی هدف قرار بیریشی بیلن اسلامی حکومت باشلیغی دیب تانیلگن ایدی.
او میلادی 1996 ده سورگونده حیات کیچیریشگه قرهمسدن اوزبیکستان اسلامی حرکت حزبینی تأسیس قیلدی و میلادی 1999 و 2000 ییللرده اوز حربی کوچلری بیلن قیرغیزستان و تاجکستان چیگرهلری یقینی فرغانه درهسیگه هجوم اویوشتیره باشلهدی.
بوندن آلدین طاهر یولداش نینگ اوغلی قه ییرده و قنقه فعالیت قیلگنلری بارهسیده منبع نینگ انیق معلوماتی بولمهگن، بیراق داعش گروه تامانیدن سرپل ولایتیده کیلیب داعش جنگریلرینی بیرلشتیریشی سوراقلر بیلن بیرگه بولگن.
