غزنی شهرینینگ اطرافیده جایلشگن بهلول قیشلاغیده بیر آنه کمبغللیک و قشاقلیک سبب قیزینی ساتیشگه قویگنی خبر قیلیندی. صدف نینگ آنه سیگه کوره، تورموش اورتاغی بنگیوار ماده گه بیریلگن، تیریک چیلیک مشقتلرینی تامین قیلیش اوچون فرزندینی ساتیشگه توختم آلگن.
قشاقلیک و کمبغللیکدن قینَهله دیگن صدف نینگ آنه سی نهایت ویرانه بیر بناده حیات کیچیریشی ایتیلهدی. اونینگ ایتیشیچه: « قیشده اوینی ایستیش اوچون اوتون یوق، تورموش اورتاغیم بنگیوار ماده سیگه بیریلگن، اونی قولیدن هیچ بیر ایش کیلمیدی و هیچ بیر کیمسه هم بیزنی باره میزگه اویله میدی». اما اوز اسمی فاش ایتیلیشینی ایستمهگن غزنیلیک تورت تاجر صدف ساتیلیشی اوچون توسیق بولیب، مذکور خانه دان خرجتی تامینله نیش اوچون مادی همکارلیک قیلیشدن سوز بیره دیلر.
ایکی یاشر صدف عایله سی، انسان پرورلیک یاردم ییتکزیب بیروچی نا دولت ادارهلردن یاردم سوره ماقده. غزنی ولایتی نینگ یشاووچیلری، قشاقلیک، ایش سیزلیک و امنیت بولمه گنلیگی سبب کوپینچه عایلهلر نان کیلتیره دیگن لرینی قولدن بیریب، یامان وضعیتده ایکن لیکلرینی ایته دیلر.
خانه لردهگی قشاقلیک و بیلیم میزانی قویی بولگنلیگی هنوز هم افغانستانده بلاغت یاشیگه ییتمه گن گودکلردن قربانلیک آلهدی. اوتگن کون عاموی اخبارات واسطه لریده نشر ایتیلگن گزارشلرده دایکندی ولایتی نینگ کجران ولسوالیگیده سیکیز یاشر بیر قیز بیر ملاگه «خمس» گه بیریلگن.
مکتب نینگ اوقوچیسی بولگن اوشبو قیز بوندن ایکی آی آلدین آته سی تامانیدن مذکور ملاگه بیریلهدی. قیز نینگ آته سی پولیس آرقلی حبسگه آلینگنی ایتیلهدی. شونینگ دیک دایکندی انسان حقلری کمیسیون مسووللری مذکور خبرنی تصدیقلب، حادثه عامللری قولگه آلینگن لیگینی ایتگنلر.
