ملی بیرلیک حکومت باشلیغ‌لریدن بیری مذکور حکومت فرصت‌لری قولدن کیتگن‌لیگی‌نی بیرینچی مرته قبول قیلدی.
اوتگن کون 13- ثورده ملی بیرلیک حکومت اجرایی ریاست باشلیغی عبدالله عبدالله‌نینگ هرات باریب ایتیشیچه، حکومت ایشی باشله‌نیشدن حاضرگه قدر کوپلب زمانلرنی قولدن بیرگن.
جناب عبدالله هرات ینگی والی‌‌سی‌نی معرفی قیلیش بیرچاغ‌ده قولدن کیتگن زمانلر باعث ملی بیرلیک حکومت اوچون خلق ذهنی‌گه کوپلب سوراق‌لر تاپیلگن‌لیگی‌نی تیلگه آلدی.
شو سونگی پیت‌لرده جمهور رییس غنی محمدآصف رحیمی و همایون عزیزی‌لرنی هرات و کندهار ولایت‌لری نینگ والی‌سی حیثی‌ده معرفی قیلگن ایدی و اوتگن کون حکومت اجرایی رییسی مذکور والی‌لرنی تیگیشلی ولایت‌لرده معرفی قیلدی.
جناب عبدالله هراتده سوزگه چیقیش قیلیب حکومت‌نینگ ایتیب کیلگن ضعیف ایشلرینی قبول قیلدی و رقابت‌لر پیتی اوتیب بیرگه‌لیک تلاش قیلیب حاضرگی قیینچی‌لیک‌لرنی حل ایتیش‌گه حرکت قیلیش‌نی تیلگه آلدی. او خلق دن حکومت‌نی بوتوغریده یاردم و حمایت قیلیشلرینی سوره‌دی.
سیلاو زمانی چوزیلیب کیتیشی و کابینه معرفی ایتیلیشی کیینگه توشیشی، خلق‌نی اقتصادی قیینچی‌لیک‌لربیلن روپه‌ره قیلگن و دنیا بویلب خلق ارا یاردم‌لیک‌لر سیستمی هم شو باعث بوزیلگن.
شونینگ‌دیک ملی بیرلیک حکومت ایجاد ایتیلیشی بیلن بیرگه، حکومت باشلیغ‌لری تینچ‌لیک کیلتیریش اوچون جدی تلاش قیلیش وعده‌سی‌نی بیرگن ایدیلر؛ اما بیرییل اوتیشی بیلن، طالب‌لربیلن تینچ‌لیک توغری سیده سوزله‌شیشلر مبهم قالگن و کون سایین مذکور گروه هجوملری اولکه ایریم منطقه‌لریده کوپه یب بارماقده.
هرات قیینچی‌لیگی‌نی حل ایتیش ایزیدن
جناب عبدالله هراتده قیلگن سفریده ولایت یشاوچی‌لریگه، هرات خلقی‌نینگ قیینچی‌لیک‌لرینی حکومت حل ایته‌دی دیب وعده بیردی. اونینگ ایتیشیچه، هرات ده‌گی موجود کوچدن ملی سطح‌گه ایش آلیش‌لری ممکن.
اجرایی ریاست باشلیغی هرات امنیتی قیینچی‌لیگی اوچون محلی رسمی‌لر و مذکور ولایت یشاوچیلری بیلن هم سوزلشدی و هرات ینگی والی سیدن موجود قیینچی‌لیک‌لرنی حل ایتیش‌گه تلاش قیلیشلرینی سوره‌دی.
ترور، اوغیرلش، ایش سیزلیک و هرات اقتصادیگه رکود حاکم بولیشی باعث، ولایت‌ده کوپلب ناراض‌لیک‌لر یولگه قویلسه. حاضرگه قدر هرات یشاوچیلری نیچه مرته ترور و اوغیرله‌نیش کوپه‌یگن‌لیگی دلیل، ناراض‌لیک کورسه‌تیب یوللرگه چیقگن ایدیلر.
دیمک، جناب عبدالله هرات باریب کیرگن زمان سابق سووبرق وزیری و آلدینگی جهادی باشلیغ‌لردن بیری محمد اسماعیل خان بیلن اوچره‌شدی.
موندن آلدین اسماعیل خان نیچه مرته مجاهدلر ملی بیرلیک حکومت تامانیدن چیتلن‌تیریلیشی عاقبتی‌ده انتقاد قیلگن ایدی. ایتیلیشیچه، او محمدآصف رحیمی‌نینگ هرات والی‌سی حیثی‌ده تنلنیشی بیلن هم قرشیلیک کورستگن ایکن و جناب عبدالله بو اوچره شووده اوندن ینگی والی بیلن یاردم‌چی بولیشی‌نی سوره‌گن.
ملی بیرلیک حکومت اجرایی رییسی‌گه کوره، شو سونگی کونلرده هرات ناتینچ‌لیک‌لری آزه‌یگن و ینگی والی تعیین ایتیب تنلنیشی بیلن ولایت وضعیتی یخشی لشیب کیتیشی ممکن.
جناب عبدالله هرات سوداگرلری‌دن اولکه ایریم منطقه سیده سرمایه توکیش‌لری اوچون منت‌دارلیک بیلدیردی و بولر قیینچی‌لیگی حل ایتیلیشی توغری سیده حکومت تلاش قیلیشه‌دی دیب وعده بیردی.
بوشوپیت‌ده دیر؛ سونگی گزارشلرگه کوره، هرات سوداگرلری میلیونلرچه دالر سرمایه‌لرینی ناتینچ‌لیک‌لر و حکومت توجه قیلمه‌گن‌لیگی باعث ولایت‌دن تشقی اولکه‌لر آلیب کیتیلگن‌لیگی ایتیلیب کیلماقده.
