یکشنبه دن دوشنبه گه اوتر کیچه‌سی جوزجان ولایتیده بیش کیشی‌لیک بیر گروه حامله‌لی بیر عیالنی کلتکله گندن سونگ جنسی زورله گن لیک‌لری خبر قیلیندی. 17 یاشیده بولگن مذکور خاتین بوندن بیر ییل آلدین اویلنگن. ایتیلیشیچه اونینگ تورموش اورتاغی ملی اردو چهار چوبه سیده غور ولایتیده خذمت قیله‌دی. حادثه جوزجان ولایتی شبرغان شهریگه قره شلی قیشلاق‌لردن بیریده یوز بیرگن. عیالنی جنسی تجاوز قیلگن گروه دستلب خاتین نینگ آته سی بیلن توقنه شیب، اونینگ ایاق قولینی باغلب آلگن. 17 یاشیر اوشبو خاتین زوروانلیک قیلگن آدم‌لر آرقه‌لی آلتین تَقین چاقلری هم اوغیرله‌نیب کیتیلگن. خاتین، دولت اوشبو گروه‌نی اوشلب قانونگه تاپشیریمه گن تقدیرده، جانیگه قصد قیلیشی توغری‌سیده آگاهلنتیرگن. اما ولایت محلی رسمیلری‌نینگ معلوم قیلیشیچه، تجاوز قیلگن‌لردن ایکی نفری اوشلب آلینگن. ایتیلیشیچه، حادثه‌دن قاچیش‌گه موفق بولگن باشقه شخص‌لر هم قولگه آلینیشی اوچون تیکشیرو ایش باشلنگن. عیال‌لرگه قرشی زوروانلیک حال‌لری جوزجان ولایتیده آشگن لیگی ایتیله دی. ایریم تحلیلچی‌لر جنسی زوروانلیک حال‌لری کوپیگنیگه بیرینچی عامل بو کبی واقعه‌لرنی صادر قیلیووچی کیشی‌لر محاکمه بولمس لیگی سبب بوله یاتگن‌لیگینی ایته دیلر.
