راپورونه وايي، چې د کابل ښار په دشت برچي سیمه کې د ولسي جرګې پر یو غړي چاودنه شوې او نوموړی د دغې چاودنې له امله ټپي شوی دی.
د ولسي جرګې دغه غړی فکوري بهشتي نومېږي او په ولسي جرګه کې د بامیان د خلکو استازی دی.
د چاودنې له امله د بهشتي موټر په بشپړ ډول له منځه تللی او داسې ویل کيږي، چې د هغه یو ساتونکی وژل شوی دی.
عیني شاهدان وايي، چې بهشتي غوښتل پارلمان ته لاړ شي، چې چاودنه پرې شوې ده.
تر اوسه د چاودنې د لامل په څه نه دي ویل شوي.
تر اوسه د دغې چاودنې پړه کومې وسلهوالې ډلې هم پر غاړه نه ده اخیستې.
یاده دې وي، چې په دې وروستیو کې د پارلمان غړي په نښه کول زیات شوي.
څو ورځې وړاندې په کابل ښار خوشحالخان سیمه کې د شپې ناوخته د ولسي جرګې غړي معلم میرولي کور باندې هم ځانمرګي بریدونه وشول.
د چاودنو له امله د ولسي جرګې غړي عبېدالله بارکزي زوی او د معلم میرولي څو ساتوونکي هم ووژل شول.
له دې څو میاشتې وړاندې د پخواني ولسمشر کرزي پرمهال د پوهنې وزیر ورور او د ولسي جرګې غړی شیرولي وردګ هم ووژل شو.
