په زابل ولایت کې نسکورې شوې الوتکې کې ۵ تنه وژل شوي او ۱۰ نور ټپیان شوي دي.
د زابل امنیې قومندانۍ ویاند احمد فواد عسکري نن پنجشنبې د (اګست په ۶مه) سلام وطندار ته وویل، چې دغه پېښه د شینکۍ او نوبهار ولسوالیو ترمنځ شوې ده.
نوموړي د نورو جزیاتو له ورکولو ډډه وکړه، خو یوې بلې سرچینې د نه ښودلو په شرط سلام وطندار ته وویل، چې په دغه چورلکه کې ۵ تنه عمله وژل شوې او ۱۰ تنه افغان سرتېرې وژل شوي دي.
سرچینې وویل، چې چورلکه د تخنیکي ستونزې له امله راغورځېدلې ده.
بل لورته د وسله والو طالبانو ویاند قاري یوسف احمدي رسنیو ته په لېږل شوي ټلیفوني پیغام کي ویلي، چې په دې چورلکه کې يې ۲۵ سرتېري او عمله وژلې ده
خو دولتي سرچینې بیا د طالبانو دغه ادعا ردوي او وايي، چې چورلکه د پيلوټ د فني ستونزې له امله رامنځته شوې ده.
