د سمنګان د ملي امنیت ریاست د دغه ولایت په دوو ولسوالیو کې د ۶ طالب جنګیالیو د وژل کېدو خبر ورکوي.
دغه ریاست د یوې خبرپاڼې په خپرولو سره ویلي، ۴ طالبان د دغه ولایت د درهصوف بالا په «چهارمغزک» سیمه کې د عشروزکات راټولولو پر مهال د سیمې د خلکو او ولسي پاڅونوالو له غبرګون سره مخ او وژل شوي دي.
د خبرپاڼې له مخې، په یاده نښته کې ولسي پاڅونوالو د طالبانو ځینې نقلیه وسایط او تجهیزات هم نیولي دي.
خبرپاڼه زیاتوي، د سمنګان ولایت په درهصوف پایین کې د طالبانو نظامي کمېسیون او د متوکل په نوم د یوه بل قوماندان ترمنځ د عشروزکات پر سر لفظي جګړه شوې چې وروسته د نظامي کمېسیون د رییس وسلهوالو یاد قوماندان او یو بل طالب وژلي دي.
طالبانو تر اوسه په دې اړه څه نه دي ویلي.
