بریدمل‌لر، افسرلر و عسکرلردن شامل بولگن 1400 ینگی حربی اون آی‌لیک حربی تعلیمات اوتکزیب، یکشنبه کون کابل حربی تعلیمی مرکزی‌دن فراغت حجتی‌نی قولگه کیریتدیلر.
اوشبو حربی‌لر نشان اوروش و توپ‌چی‌لیک بولیم‌لری‌گه تعلیم کورگن و تیزلیک‌ده امنیتی کوچلرگه یاردم بیریش اوچون اوروش میدان‌لری‌گه یوباریله‌دی.
کابل حربی تعلیم مرکزی قومندانی امین‌الله پتیانی، اوشبو افسرلرنینگ فراغت مراسمی‌ده ایتیشیچه، بو حربی‌لر اساسی شکلده حربی تعلیم کورگن و مملکت‌دن دفاع قیلیش‌گه تیارلیک آلگن‌لر.
کابل حربی تعلیم مرکزی قومندانی‌نینگ کوپه‌یتیریشیچه، دشمن مملکت حربی کوچلری‌نینگ شکست بیریش‌گه نیچه مرته سعی و حرکت قیلگن، بیراق هیچ قچان موفق بولمه‌گن.
عین حالده، کابل حربی تعلیم مرکزی اورگه‌تیش و تربیه‌لش قومندانی حبیب‌خان احصاری‌نینگ امنیتی کوچلرگه خطاب ایتیشیچه، حاضرگی شرایط‌ده اینگ قیین ایش، مملکت‌دن دفاع قیلیش دیر.
اونینگ ایتیشیچه، خلق حمایتی یانیده اساسی شکلده حربی تعلیم کوریش، امنیتی کوچلرنینگ خلق‌نی سقلش‌گه یوتوقلیک‌که ایریشتیره‌دی.
جناب احصاری‌نینگ ینگی فارغ بولگن عسکرلرگه ایتیشیچه، افغانستان‌نی هر بیر منطقه‌سی اولرنینگ یورتی دیر و بوتون مملکت‌دن دفاع قیلیش‌لری لازم.
کوکلم موسومی باشله‌نیشی بیلن دولت‌گه قرشی قورال‌لی عصیانچی‌لرنینگ هجومی مملکت ایریم منطقه‌سی اینیقسه شمال‌ده کوپه‌یدی.
شونده‌ی بیرحالده، برچه اوروش میدان‌لر اداره‌سی افغان امنیتی کوچلری قولی‌گه بولگن.
