سنامجلسی شوندهی بیرحالده جمهور رییسنینگ مخابراتی ترماغ مشتریلریدن مالیات آلیش فرمانینی تأیید قیلدی کیم، انچه پیت آلدین نمایندهلر کینگشی اوشبو فرماننی ناقانونی بیلیب و کوپینچه آواز بیلن رد قیلگن ایتدی.
جمهور رییس فرمانی اساسیده، مخابراتی ترماغ مشترلری خرچ قیلهدیگن هر یوز افغانی دن 10 افغانی سالیق آلینهدی؛ بو پول مملکت مخابرات و تکنالوژی وزیرلیگی یاردمی بیلن سالیق وزیرلیگی خزانهسیگه توکیلهدی.
سنامجلسی مخابراتی کمیسیون باشلیغینینگ ایتیشیچه، سنا، جمهور رییس فرمانینی تأیید قیلیب و بونی بدلیگه مکالمات نرخینی کمه یتیرهدی. اوشبو کمیسیون باشلیغی جاوید رؤوفنینگ ایتیشیچه، مکالمات نرخی کمهیتیریلیشی خصوصیده، بیر مادهنی کوپینچه آواز بیلن تصدیقلگن.
سنامجلسی تامانیدن تصدیقلنگن مادهگه کیلیشیچه، مخابراتی شرکتلر هر بیر دقیقه تماس بدلیگه بیر افغانی قیترهآلهدی.
جناب رؤوفنینگ ایتیشیچه، اوشبو کمیسیون اعضاسی بیر خارجی هیأت همکارلیگیده کینگ تدقیقاتدن کیین، قولگه کیریتگن نتیجه اساسیده، هر بیر مخابراتی ترماغ هر دقیقه تماسدن بیر افغانی آلگنده هم، یخشی فایده قولگه کیریتهدی.
ایتیش لازم، بیر هفته جریانیده مخابراتی شرکتلر مشتریلریدن آلینگن سالیق اساسیده، کمیده 87 میلیون افغانی دولت خزانهسیگه توکیلگن.
عین حالده، مملکت یشاوچیلریدن کوپینچهسی جمهو رییسنینگ اوشبو فرمانینی خوش قرشیلگن؛ بیراق ایتیشیچه، آلینگن سالیق بیر تونیق لایحه اساسیده، قیتهدن خلق منفعتی اوچون خرچ بولیشی کیرهک.
