جوزجان ولایتیدن بولگن 16 یاشر عبدالله (مستعار) آتلی باله نینگ ایتیشیچه، ینگیلیکده طالباندن اجرهلیب و درس اوقیشگه یوز کیلتیریب عادی حیاتیگه قیتگن. اونینگ ایتیشیچه، «بو یولده مسلمانلرنینگ اولدیریشدن باشقه ایش یوق دیر.»
جوزجان ولایتی نینگ آقچه تومنی ولسوالی غلامسخی سبحانی نینگ سلاموطندارگه ایتیشیچه، طالبان گروهی حاکمیتلریده بولگن منطقهلردن 15- 16 یاشر بولگن کمیده 100 بالهنی اوشبو تومنده کیلتیریب توشونچهلرینی اوزگرتیریب و حربی تعلیمات بیرهدی.
اونینگ ایتیشیچه، طالبان گروهی مذکور بالهلرگه حربی تعلیمات بیرگنیدن سونگ، دولتی کوچلرگه قرشی اوروش، خودکشلیک هجوم و جادهلرده ماین جایلشتیریش اوچون ایش آلهدی.
.jpg)
آقچه یشاوچیلریدن بیرقطاری نینگ کیملیکلری سیرقالیشنی ایستهب سلاموطندارگه ایتیشلریچه، طالبان گروهی عایلهلرنی جریانگه قویمسدن بالهلرنی اوزلری بیلن آلیب کیتهدی. اولرنینگ ایتیشیچه، طالبانگه قرشی توختهگن کیشیلر اولر تامانیدن قیناققه سالینهدی.
جوزجان پولیس قومندانی عبدالواحد وجدان نینگ ایتیشیچه، طالبان گروهی حاکمیتلریده بولگن منطقهلردن بالهلرنی توپلب فکرلرینی اوزگرتیرهدی.
بیراق، طالبان سوزلاوچیلریدن بیری ذبیحالله مجاهدنینگ بو گروه قطاریده بالهلر حضورینی رد قیلیب ایتیشیچه، «سقال و بروتی» بولمهگن بالهلر اوشبو گروه تامانیدن جذب ایتیلمهیدی.
شوتوغریده…
