لوگر ولایتی‌نینگ محلی بلند مرتبه‌لی رسمیلری، اوشبو ولایت خروار ولسوال‌لیگی 14 ییلدن کیین بیرینچی لیسه‌گه ایگه بولگن لیگنی‌نی ایتگن‌لر. لوگر ولایت والی‌سی محمدحلیم فدایی، ولایت‌ده اوتکزیلگن بیر ییغین‌ده اوتگن ییل‌لرده مذکور ولوال‌لیسک معارف ساحه‌سی‌ده جدی اعتبار قره‌تیلمه‌گن لیگی اوچون هیچ بیر اوقیووچی اون ایکینچی صنف‌نی بیتیریب چیقمه‌گن لیگینی ایتگن.
اونینگ سوزلریگه کوره، ایشی‌نینگ بیرینچی یوز کونی‌ده مذکور ولسوال‌لیککه مخصوص اعتبار قره‌ته‌دی و کیلگوسی بیر هفته‌ده اوشبو تومن‌ده بیر لیسه فعالیت‌گه باشله‌شی کوتیله‌دی.
عین حالده، خروار ولسوالی ثمرگل راشدنینگ سلام‌وطندارگه بیلدیریشیچه، مذکور ولسوال‌لیک اوقیتووچی‌لری‌نینگ 80% سواد سیز دیر و اوتگن اون تورت ییلده فقط اون ایکینچی صنف‌نی بیتیریب کانکور سیناویده اشتراک قیلیش اوچون ولایت مرکزی‌گه جونه‌گن اوقووچی یول چیتی‌گه اورنه تیلگن ماین پارتلشی نتیجه‌سی‌ده اوهم قربان بولگن.
او، افغانستان معارف وزیرلیگی‌دن مذکور ولسوال‌لیک مکتب‌لری اوچون مخصوص اعتبار قره‌تیش‌نی سوره‌گن.
جناب راشد بوندن آلدین خروار ولسواللیگیده اورگه‌تیش و اورگه‌نیش تیزیمی بوتونلی اورته‌دن کیتگن‌لیگی‌نی ایتیب، 14 ییل دوامی‌ده هیچ بیر اوقووچی اوشبو ولسوال‌لیک‌دن بیلیم یورت کیریش‌گه موفق بولمه‌گن دیگن‌دی.
ایتیلیشیچه، مذکور ولسوال‌لیک مکتب‌لری کوپچیلیگی‌نینگ اوقیتووچی‌لری مسجدلر امامی دیر.
بوندن آلدین ولسوال‌لیک مکتب‌لری وضیعتی باره‌سی‌ده شکایت بیلدیرگن اهالی خروار ولسواللیگیده 11 مکتب موجود لیگینی بیلدیریب، اولردن 5ته‌سی فعال و 6 ته‌سی اوقووچی‌لر یوزیگه یاپیق لیگینی بیلدیرگن ایدی.
شونینگ‌دیک ولسوال‌لیک قوم بویوک‌لریدن داکتر ناصر 6 مکتب هم معارف ریاستی‌نینگ بی فرق‌لیگی سبب اوقووچی‌لری یوزیگه یاپیلیب قالگن لیگینی تیل‌گه آلگن ایدی.
بوندن آلدین ولایت معارف اداره‌سی‌نینگ اورین باسری محمدصادق استانکزی، معارف زویرلیگی اوشبو ولسواللیکده 3 لیسه شامل 11 مکتب‌نی فعال قیلیب اونده 3 مینگ اوقووچی درس بیلن شغلله‌نیب کیله یاتگن‌لیکیلرینی ایتگن ایدی.
استانکزی، ولسواللیکده درس بیره‌دیگن 78 اوقیتووچی‌دن فقط 8ته‌سی اون ایکینچی صنف‌نی بیتیرگن بولیشی‌نی اظهار قیلیب، باشقه قالگن‌لر برچه مسجدلر امامی‌دن عبارت بولگن.
مملکت‌نینگ نابرقرار ولایت‌لریدن بولمیش لوگرنینگ خروار ولسواللیگیده هنوز هم قیزلر اوچون مکتب بولمه‌گن لیگی ایتیله‌دی.
