د غور ولایت امنیتي چارواکي د دې خبر له تایید سره وايي، چې دا جلۍ غریب ګل نومېږي او د فېرزوکوه د غلمین سیمې اوسېدونکې ده.
د غور ولایت د جنايي جرمونو مدیر عبدالهادي چهل سلام وطندار ته وویل، چې دې جلۍ د نږدې خپلوانو د نهلرلو پر بنسټ په زهري موادو ځانوژنه کړېده. د ده پر وینا، غریب ګل تر اوسه د کاکا په کور کې اوسېدله.
د غور د جنايي جرمونو مدیر زیاته کړه، چې د پېښې په تړاو یې د غریب ګل د کاکا زوی، چې د کور سرپرستي ورترغاړې ده نیول شوی او پوښتنې ګروږنې ترې روانې دي.
په ورته وخت کې د غور د مرکزي روغتون سرطبیب ډاکټر لعلزاد سلام وطندار ته وویل، چې تېره شپه ناوخته مهال د دې جلۍ جسد د دوی روغتون ته ورلېږدول شوی.
د لعلزاد په خبره، غریب ګل د تېزابو په خوړلو سره خپل ژوند له لاسه ورکړیدی.
