هېلري کلنټن او ډونالډ ټرمپ د سه شنبې ټاکنې وګټلې

هېلري کلنټن او ډونالډ ټرمپ چې د ډیموکراټو او جمهوري غوښتونکي ګوندونو د نوماندۍ له پاره سیالي کوي، د سه شنبې ورځې ټاکنې یې د امریکا په زیاتو ایالاتونو کې وګټلې.

د ډیموکراتو له دوه سیالو نوماندانو (هېلري کلنټن او برني ساندرز ) چې مېرمن هېلري کلنټن د ۱۰۰۱ رایو په ګتلو سره خپل سیال ساندرز ته ماته ورکړه.

کلنټن د امریکا په الاباما، ارکانزاس، جرجیا، ماساچوست، تنسي، تګزاس او ویرجینیا په ایالاتونو کې تر خپل سیاله زیاتې رایې ګټلي دي.

په ورته وخت کې برني سانډرز د امریکا په کولاراډو، اوکلاهاما، مینه سوتا او په ورمونټ ایالاتونو کې له مېرمن کلنټون نه مخکښ و.

د امریکا په جمهوري غوښتونکي کې ډونالډ ټرمپ بیا له خپلو څلورو سیالانو مخکې شو.

ټرامپ ۴۹ سلنه بریا په ویرجینیا، الاباما، ارکانزاس، جورجیا، ماساچوسټ، تنسي او ورمونټ کې خپله کړه.

د سه شنبې ټاکنې په امریکا کې هغه ټاکنې دي، چې په دې ټاکنو کې د ډیموکرات ګونډ استازي د ۲۳۸۳ رایو په ګټلو سره رسما د دغه ګوند نهايي دوو کاندیدانو نوملړ کې راځي.

او د جمهوري غوښتونکي له پاره بیا دغه شمېر ۱۲۳۷ دی.

تر اوسه پورې ټرمپ ۲۸۵ رایې او هېلري کلنټن ۱۰۰۱ رایې ګټلي دي.