افغانستان بوییچه بیرلشگن ملت‌لر تشکیلاتی نینگ خاص نماینده‌سی، قربان هییت بیره‌می مناسبتی بیلن بیرگن قوتلاو پیامی‌ده افغانستانده‌گی برچه اوروش تامانلریدن هییت کونلریده اوروش دن قول تارتیش‌لرینی سوره‌گن.
افغانستان بوییچه بیرلشگن ملت‌لر تشکیلاتی نینگ اورین باسرلیک هیأت دفتری، بیر اعلامیه نشر قیلیب و افغانستانلیک‌لر مملکت بویلب هییت نی قورقینچ و زوروانلیک‌دن اوزاق تینچ فضاده اوتکزیشی خصوصیده امیدوارلیک بیلدیرگن.
افغانستان بوییچه بیرلشگن ملت‌لر تشکیلاتی نینگ خاص نماینده‌سی تدامیچی یاماموتونینگ ایتیشیچه، «افغانستانلیک‌لر هییت بیره‌مینی یخشی بیر شکلده نشانلش اوچون مین برچه اوروش تامانلریدن قربان هییت بیره‌می گه حرمت قایل بولیب و یخشی نیت کورسه‌تیب و زوروانلیک‌لردن قول تارتیش‌لرینی سوره‌یمن.»
شونینگدیک، جنای یاماموتونینگ ایتیشیچه، «بیرلیک و بیردملیک قربان هییت بیره‌می ده بولگنی خصوصیده امید قیله‌من و شونینگدیک، کیله‌جک‌ده دوام ایتیشی و تینچلیک جریانی یوتوققه ایریشی گه سبب بولیشی نی کوته‌من.»
عین حالده، اوتگن هفته پنجشنبه کون (17- اسد) طالبان گروهی نینگ رهبری ملاهبت‌الله آخندزاده، قربان هییت بیره‌می خصوصیده بیرگن پیامی‌ده مذکور گروه نینگ اعضالری گه هییت کونلریده تینچ اهالی نینگ جانی سقله‌نیشی خصوصیده ییترلیچه سعی و حرکت قیلیش‌لری توغریسیده بویروغ بیرگن.
