افغانستان تینچلیک لایحهسی بوییچه آمریکا تشقی ایشلر وزیرلیگی نی خاص نمایندهسی زلمی خلیلزاد، آلمان تشقی ایشلر وزیری بیلن اوچرهشگنده افغانستان تینچلیگی نینگ سونگی آدیملری توغریسیده بحث قیلگن.
بوگون «جمعه، 19- اسد) جناب خلیلزاد، اوز توییتر صحیفهسیده یازیب، بو اوچرهشووده افغانستان تینچلیگی اوچون آلمان نینگ سعی و حرکتلریدن قدردانلیک بیلدیریشی گه علاوه، آلمان تشقی ایشلر وزیری هایکو ماس نینگ تینچلیک سوزلشوولرینی سونگی کیلیشمهلریدن خبردار قیلگن.
جناب خلیلزاد بو توییتی ده یازیشیچه، «مین افغانستان تینچلیگی خصوصیده افغانلر ارا ییغیندن حمایت قیلینیشی اوچون آلمان تامانیدن بیریلگن سوزنی خوش قرشیلب و قدردانلیک بیلدیرهمن. بوندهی ییغینلر افغانستان تینچلیک جریانی نینگ اونملی بولیمی دیر.»
افغانستان تینچلیگی توغریسیده افغانستانلیکلر ارا اوچینچی دور سوزلشوو کمیده بیر آی آلدین حکومت بلند مرتبهلی رسمیلریدن بیرقطاری نینگ حضوریده قطرنینگ دوحه شهریده اوتکزیلدی.
اوشبو ییغین سونگی ده بیر شرطنامه نشر قیلیندی و بو شرطنامه ده افغانستانده زوروانلیکلر کمهییشی، آمریکا و طالبان سوزلشوولریدن حمایت قیلینیشی و افغانستانلیکلر ارا سوزلشوولر دوامی اوستیگه تأکید قیلینگن.
عین حالده، «سی آی ای» تشکیلاتی نینگ سابق باشلیغی جنرال دیوید پترائوس، افغانستانده عراق تجربه سی تکرارلنمهسینی طلب قیلگن.
آمریکالیک مذکور تقاعدلی جنرال نینگ بیر مقالهده وال استریت ژورنال کوندهلیگی ده یازیب ایتیشیچه، افغانستاندن چیتایللیک کوچلر چیقاریلگنده، آمریکانینگ عراق ده قیلگن خطاسی قیته تکرارلنهدی.
جناب پترائوس نینگ ایتیشیچه، آمریکا قوشمه ایالتلری عراق نی ترک قیلدی، بیراق ترامپ ادارهسیدن بو تأریخ افغانستانده تکرار بولمهسینی طلب قیلگن.
اوشبو موضوعلر بیان ایتیلگن بیرچاغده، افغانستاندن آمریکا کوچلری نینگ چیقیشی، قطرده آمریکا و طالبان گروهی نمایندهلری آرهسیده اوتکزیلگن تینچلیک سوزلشوولرینی اساسی بولیملریدن بیری سنلهدی.
