د افغان کمیډین ابراهیم عابد د غیرعادي ویډیو خپرولو د فېسبوک ټولنیزې شبکې د کاروونکیو غبرګونونه راپارولي دي.
د فېسبوک ډېرو کاروونکیو د دې ویډیو په خپرولو سره له ابراهیم عابده ملاتړ اعلان کړ او دا کار یې په شخصي حریم برید وګڼلو. دوی په پرلهپسې ډول له امنیتي ارګاونونو نه د دې کار د عاملانو د نیولو غوښتنه وکړه.
افغان مشهور هنرمند فرهاد دریا پهخپلې فېسبوکپاڼې لیکلي چې د ابراهیم عابد حیرانو کتو، د کمرې د بېحیا سترګې پر وړاندې د هغه ماشومانه چوپتیا، الوتي رنګ، په رپېدونکیو ګوتو کې پرتو تسبو چې هغه ته یې د عاجزۍ دعا کوله؛ نه یوازې د هغه زړه، بلکې د میلیونونو افغانانو زړونه ولړزول.
له بلېخوا د افغانستان د رسنیو ملاتړ ادارې یا «نی» د یوې خبرپاڼې په خپرولو سره د ښاغلي عابد دا ډول ویډیو نشرل یوه غیرانساني او سپکه کړنه ګڼلې او د عاملانو د نیولو جدي غوښتنه یې کړېده.
په ورته وخت کې د کورنیو چارو وزارت ویاند مرستیال نصرتالله رحیمي وايي چې د ښاغلي عابد موضوع په جدي ډول څېړي.
ابراهیم عابد د افغانستان مشهور کمیډین او د یوې خصوصي رسنۍ د یوې طنزیې او انتقادي خپرونې چلوونکی دی چې د ټولنیزو او سیاسي مسایلو په نقدولو او طنزولو سره یې د هېواد د ډېرو وګړیو په خولو خنداوې خورې کړېدي.
