کنر محلی و امنیتی مسووللری نینگ ایتیشیچه، اوتگن کونی اوشبو ولایت نینگ سرکانو و مروره تومنیده پاکستان و افغانستان چیگره کوچلری آره‌سیده آتیشمه یوز بیرگن.
کنر حاکمی سوزلاوچیسی غنی مصمم نینگ ایتیشیچه، اوشبو ولایت نینگ سرکانو تومنی و مرکزیده پاکستان حربی‌لری تامانیدن آتیلگن راکت عاقبتیده 4 تینچ اهالی هلاک و باشقه 9 کیشی یره‌لنگن دیر.
کنر پولیس قومندانلیگی سوزلاوچیسی فرید دهقان نینگ ایتیشیچه، پاکستان حربی‌لری سرکانو و مروره تومنیده افغانستان حربی‌لری اوستیگه هجوم قیلگن و اوندن سونگ، افغانستان امنیتی کوچلری اولرگه قرشی اوق آتگن.
اونینگ ایتیشیچه، پاکستان حربی‌لری تامانیدن آتیلگن راکت اوق‌لریدن 3 ته‌سی کنر مرکزی اسدآباد شهریده توشگن.
افغانستان تشقی ایشلر وزیرلیگی، بیر خبرنامه آرقه‌لی پاکستان حربی‌لری تامانیدن اویوشتیریلگن هجوم‌نی قاره‌لب و پاکستان دن بونده‌ی حرکت‌لردن قول تارتیشینی سوره‌گن.
خبرنامه‌ده ایتیلیشیچه، پاکستان حربی‌لری تامانیدن بونده‌ی هجوم‌لر اویوشتیریلیشی ایکی مملکت آره‌سیده جنجل ایجاد ایتیلیشی‌گه سبب بوله‌دی و افغانستان حکومتی بونده‌ی وضعیت‌نی قبول قیلمه‌یدی.
