.jpg)
طالبان گروهی نینگ سیاسی دفتری، 1392- ییل، جوزا آییده قطر باشکینتی دوحه شهریده آچیلدی. افغانستان سابق جمهور رئیسی حامد کرزی، بو دفتر افغانستان توپراغیده آچیلیشینی ایستهگن ایدی، لیکن آمریکا قوشمه ایالتلری نینگ باسقینی باعث، سیاسی دفتر دوحه ده آچیلیشینی تَن آلدی.
بو ایش افغانستان حکومتی اوچون خواطرلی ایدی و حاضر هم تینچلیک سوزلشوولری جریانیده جمهور رئیس محمداشرف غنی نی خواطرگه سالگن و او زمانده حامد کرزی نی خواطرگه سالگن ایدی. قطرده طالبان گروهی نینگ سیاسی دفتری آچیلگنده، طالبان نینگ آق بیرقی اوستیگه کوتریلدی؛ افغانستان حکومتی ایسه، اونی طالبان گه مشروعیت بیریش دیدی. کرزی، افغانستان توغریسیده بولگن قضیه اونینگ حکومتی نی غیابیده حل ایتیلیشیدن قورقردی و قطردهگی سیاسی دفتر اوستیگه اسلامی امارت بیرقی کوتریلیشینی یامان نیتلی توشونردی. شو یوزهدن اونینگ اعلان قیلیشیچه، آمریکا قوشمه ایالتلری نینگ سابق تشقی ایشلر وزیری جان کری، اونگه بیرق نی طالبان نینگ سیاسی دفتری اوستیدن کوتریشی گه سوز بیرگن.
باشقه تاماندن، آمریکا قوشمه ایالتلرینی سابق جمهور رئیسی بارک اوباما ادارهسی، آمریکا کوچلری میلادی 2014- ییلدن سونگ، افغانستاندن چیقیشینی اعلان قیلدی، لیکن بو ایش هیچ قچان عمل گه آشیریلمهدی. طالبان گروهی قطر دفتریدن مشروعیت کسب ایتیش اوچون فایدهلنیشی کرزی نینگ جدی خواطرلریدن بیری ایدی. قطردهگی طالبان گروهی نینگ سیاسی دفتری، حاضرگهقدر کوپینچه موضوعلرنی تجربه قیلدی و هردایم افغانستان سیاستی ده جنجل توغدیردی و بو گزارشده ایلگریدن آز بحث ایتیلگن موضوعلر توغریسیده پرداخت بیریلگن.
قطر دفتریدهگی طالبلر حقیده نیمه بیلهمیز؟
طالبلر رهبر و اساسچیسی ملامحمد عمر حیاتی نینگ سونگی کونلریده، سیدطیب آغا نی عربی مملکتلر بوییچه اوز نمایندهسی صفتیده تعیین قیلردی.
شو یوزهدن قطر دفتری آچیلیشی چاغیده سیدطیب آغا نی باش قرار بیردی. اوشبو دفترنینگ باشقه کلیدی اعضالری جملهدن ملافاضل، خیرالله خیرخواه، نورالله نوری، نبی عمری و عبدالحق وثیق گوانتانامو قماقخانهسیدن قوییب یوباریلگنیدن کیین سیدطیب آغا گه قتنشدی.
شونینگدیک باشقه بیر گروه طالبلر رهبرلیگی نینگ ایستگی و پاکستان نینگ کیلیشووی اساسیده، ایریم ایشلرنی آلغه آلیب باریش اوچون قطرده یوباریلدی کیم اولرنینگ آرهسیده مولوی عبدالسلام حنفی، قاری دین محمد، مولوی ضیاالرحمان مدنی و شیرمحمدعباس استانکزی شامل دیر.
طالبلرنینگ اعضالریدن بیر گروهی قطر، عربی مملکتلر و پاکستان آرهسیده کیلیب کیتماقده و اولردن بیریسی امیرخان متقی دیر.
منبعلرنینگ سلاموطندارگه ایتیشیچه، ضیاالرحمان مدنی عربستان دن و شیرمحمدعباس استانکزی پشاوردن قطر دفتریده قتنشگن و بو ایکی کیشی نینگ قتنشیشی بیلن قطرده طالبان سیاسی دفتری نینگ اعضاسی 30 دن آرتیق کیشی گه ییتیشگن.
قطر دفتری طالبلر اوچون عمومی علاقهلر پایگاهی صفتیده دیر کیم اونگه تورلی کمیتهلر طالبلرنینگ فایدهسی اوچون ایش قیلهدی. بیرلشگن ملتلر تشکیلاتی بوییچه طالبلرنینگ خاص کمیتهسی، مالی کمیته، اروپایی مملکتلر بیلن علاقه قوریش کمیته و شونینگدیک باشقه کمیتهلر قطر دفتریده جایلشگن؛ منبعلر بو توغریده سلاموطندارگه ایتیشیچه، مذکور دفتر ده نیچه پاکستانلیک متخصص و مصلحتیچی هم بار.
.jpg)
طالبلرنینگ سابق اعضالریدن وحید مژده نینگ ایتیشیچه، قطر دفتری اعضالری کوپهیگن و عبدالله منصور و ملا برادر گه اوخشش قطار کیشیلر ینگیده قوشیلگن. مژده گه کوره، طالبلر سوزلشوولرده یخشی منسجم بولیش و آمریکا نمایندهلری آرهسیده آمریکالیک حربیلرنینگ قتنشیشی باعث، شونینگدیک جلالالدین حقانی نینگ حربی مصلحتچیسی مولوی فضلمحمد مظلوم نی هم قطرگه یوبارگنلر.
معلوماتی منبعلرنینگ سلاموطندارگه ایتیشیچه، سونگی 18 ییلده جبههده حضوری بولمهگن قطرده صحبت اوتکزهدیگن کیشیلر آرهسیده شکاف موجود دیر و سیاسی و حربی گروه آرهسیده ناسازگارلیک باعث اسلامی امارت گه قیینچلیک تاپیلگن.
بیراق طالبلرگه یقین منبعلرنینگ ایتیشیچه، اولرنینگ تشکیلاتی کوچلی و ایدئولوژیک دیر و شو یوزهدن رأس دن قاعده گچه بولگن هر قندی بویروغ عمل گه آشیریلهدی. اولرگه کوره، قطر دفتری اسلامی حکومت قوریلیشی و چیت ایللیک کوچلرنینگ چیقیشی اوچون سیاسی کورهش و مالی یاردم توپلش گه شغللنگن.
طالبلرنینگ پاسپورتی
افغانستان حکومتیدهگی منبعلرنینگ سلاموطندارگه ایتیشیچه، حامد کرزی نینگ حکومتیده طالبلرنینگ قطرده سفر قیلیشی توغریسیده اولرگه قولهیلیک یرهتیلگن ایکن و اولردن قطاری گه افغانستان پاسپورتی بار ایکن.
منبعلرگه کوره، کرزی حکومتی تینچلیک خصوصیده طالبلرنینگ حکومت بیلن سوزلشوو اوتکزیشی گه تشویق قیلیش اوچون، تینچلیک عالی کینگشی آرقلی قطرده طالبلرنینگ سیاسی اعضالریگه پاسپورت ترقتگن.
وحید مژده نینگ ایتیشیچه، او یقیندن قطار طالبلرنینگ پاسپورتی نی کورگن. مژده گه کوره، 2015- ییلده قطر اعضالری مستعار آت گه قلمی پاسپورتلری بار ایکن. جناب مژده نینگ ایتیشیچه، طالبلر افغانستاندهگی موجود فساد و تیزیم بوزوغلیگیدن فایدهلنیب پاسپورت قولگه کیلتیرگن و شونینگدیک حاضر قطر دفتری اعضالری افغانستان پاسپورتی نینگ اوزلری بیلن آلیب یورهدیلر.
شونینگدیک طالبان گروهی نینگ سابق اعضاسی اکبر آغاجان شونگه اوخشش بیر قصهسی بار. آغا جان نینگ ایتیشیچه، طالبلر افغانستان یشاوچیسی دیر و افغانستان پاسپورتی گه حقلی دیر. اونینگ ایشانچی گه کوره، افغانستان حکومتی بو پروسه گه قولهیلیک یرهتگن و بو توغریده هیچ قندی توسیقلیک یوق. اکبر آغا گه کوره، طالبان نمایندهلری پاسپورت ترقهتیش کرزی نینگ حکومتی گه باشلندی و شونینگدیک ملی بیرلیک حکومتی زمانی ده دوام تارتدی. طالبلرنینگ مذکور سابق اعضاسی نینگ کوپهیتیریشیچه، قطر دفتری اعضالریگه دوحهده افغانستان ایلچیخانهسی آرقلی پاسپورت ترقهتیلهدی.
افغانستان تشقی ایشلر وزیرلیگیدن بیر منبع آتی فاش ایتیلیشی نی ایستمهی طالبلر نمایندهلریگه پاسپورت ترقهتیش کرزی نینگ حکومتیده باشلنگنی نی تصدیقلهیدی.
حربی ایش بیلرمان جاوید کوهستانی نینگ ایشانچی گه کوره، قطر دفتری اعضالریدن کوپینچهسیگه افغانستان پاسپورتی گه علاوه پاکستان پاسپورتی هم بار. بیراق باشقه بیر خوفسیزلیک منبع نینگ ایتیشیچه، قطردهگی طالبلرنینگ برچه اعضاسیگه پاکستان نینگ پاسپورتی بار.
.jpg)
قطر دفتری نینگ خرهجتی
سلاموطندار قولیگه توشگن معلوماتلرگه کوره، قطر دفتری نینگ یوقاری مرتبهلی رسمیلریدن هر بیری عرب مملکتلریده سوداگرلیک بیلن شغللنهدی و اولرنینگ شرکتلری بالهلری و عایله اعضالری نامیده فعالیت قیلهدی.
قطرده طالبان سیاسی دفتری اعضالرینینگ هزینهسینی کته بیر بولیمی پاکستان تامانیدن توللنهدی.
حربی ایش بیلرمانلردن بیری جاوید کوهستانی نینگ ایتیشیچه، آمریکا تامانیدن تینچلیک سوزلشوولرنینگ باشلهنیشی ینه بیرمرته طالبان گروهینی دقت آستیگه قرار بیرگن. کوهستانی نینگ ایتیشیچه، طالبان گروهی تینچلیک سوزلشوولر دن آلدین مالی لحاظ دن یمان وضعیتده قرار تاپگن ایدی، بیراق تینچلیک سوزلشوولر باشلنگنی دن سونگ، عرب شیخلری و منطقه استخباراتی طالبان خزانهگه دقت قیلگن.
اونینگ ایتیشیچه، طالبان اعضالری حاضرده مالی لحاظ دن یخشی جایگاه گه قرار تاپگن. بیراق، طالبان سابق رسمیلریدن بولمیش وحید مژده نینگ ایتیشیچه، طالبان گروهی 18 ییل مبارزه قیلگنی و اسلام دینیدن دفاع قیلگنی سبب، اسلام دنیاسی تامانیدن حمایت ایتیلگن و طالبان سیاسی دفتری نینگ هزینهسی قطر مملکتی تامانیدن بیریلهدی و طالبان گروهی نینگ سیاسی سفرلری قطر اوچاقلری آرقهلی صورت تاپهدی. بو توغریده جناب مژده و اکبرآغا نینگ فکرلری مشابه دیر.
بیراق، امنیتی بیرمنبع نینگ ایتیشیچه، طالبان اعضالری نینگ پاکستاندن قطرگه بولگن سفرلری کوپراق حربی و سوداگرلیک اوچاقلر آرقهلی صورت تاپهدی و اولرنینگ هزینهسینی تامینلش خصوصیده پاکستان نینگ اورنی کوپراق دیر.
قطرده آمریکا و طالبان آرهسیده صورت تاپگن سوزلشوولر نتیجه بیرهدی می؟ یوق بیللی ایمس، بیراق قولگه کیلگن معلوماتلرگه کوره، طالبان گروهی حاضرگهقدر مالی لحاظ دن کوپینچه درآمد قولگه کیریتگن و افغانستان حکومتی اوین میدانیدن اوزاقده قالگن.
