کندوز کې د ټاکنو کمېسیون ولایتي دفتر سرپرست محمدرسول عمر سلاموطندار ته وايي، د دې ولایت په مرکز او ولسوالیو کې د رایورکوونکیو د نوملیکنې له ۲۲۰ مرکزونو، ۶۵ هغه فعال او ۱۵۵ نور یې د امنیتي ستونزو له کبله غیرفعال دي.
د ښاغلي عمر په وینا، د کندوز له ۹ ولسوالیو په ۴ ولسوالیو کې یې د رایورکوونکیو نوملیکنې مرکزونه نهدي فعال شوي.
د ده په خبره، ۳۰ مرکزونه په ولسوالیو او ۳۵ په مرکز کې فعال دي.
د کندوز ولایتي شورا مشر محمدیوسف ایوبي وايي، کهچېرې ځېنو ولسوالیو کې نوملیکنه ونهشي او د دې ولسوالیو اوسېدونکي د خپلو ولسوالیو شورا غړي نهشي ټاکلی؛ د ټاکنو بهیر به نیمګړی شي.
د کندوز د چهاردرې او قلعهزال ولسوالۍ دوه تنه اوسېدونکي بسمالله او جهانګیرخان وايي، حکومت اړ دی د دوی د دوی په ولسوالۍ کې د نوملیکنې زمینه برابره کړي.
دوی زیاتوي، ټاکنو کې ګډون د دوی مسلم حق دی.
په ورته وخت کې د کندوز امنیې قومندانۍ ویاند انعامالدین رحماني وايي، د اقتاش او کلایزال ولسوالیو ډېری سیمو کې طالبان واکمن دي او په همدې دلیل نهدي توانېدلي چې د رایورکوونکیو نوملیکنې مرکزونه پرانیزي.
د ښاغلي رحماني په وینا، ګډو امنیتي ځواکونو تدابیر نیولي او ډېر ژر به د اقتاش او کلایزال ولسوالیو امنو سیمو کې د رایورکوونکیو نوملیکنې مرکزونه فعال شي.
کندوز کې د پارلماني او ولسوالیو شوراګانو ټاکنو کې د ګډون لهپاره د رایورکوونکیو نوملیکنې پروسې له پیل راهیسې، تراوسه پورې څه باندې ۵۳ زرو کسانو نوملیکنه کړې، شاوخوا ۱۸زره یې ښځې دي.
