ایرته‌لب 8 ده
بوگون ایرته‌لب امنیتی کوچلر کندوز شهری، بیش تاماندن هجوم ایلتگن‌لر و پولیس باشقرمه‌سی و کندوز شهری کسلخانه‌سینی قیته‌دن قولگه کیلتیردیلر. ایتیلیشیچه، شوحاضر ملی امنیت قوشیمچه تیز یاردمچی کوچلر، کندوز امنیتی کوچلری، پولیس و اردو تازه نفس کوچلری کندوز شهریده ییتیب بارگن‌لر و اویمه اوی اوروش باشلنگن.
کندوز پولیس سوزلاوچیسی سرور حسینی‌نینگ سلام‌وطندارگه ایتیشیچه، شوحاضر جنگری طالب‌لر کندوز شهریده امنیتی کوچلر قمراویگه قالگن و تیزلیک‌ده شهر طالب‌لردن پاک بوله‌دی.
سه‌شنبه ایرته‌لب ساعت 4 ده
جنگری طالب‌لر تخار ولایتی ینگی قلعه تومنی‌گه تورت تاماندن هجوم ایلتگن‌لر. کندوز پولیس سوزلاوچیسی سرور حسینی‌گه کوره، طالب‌لر کندوز شهری ایشیکلریده کیلگن؛ اما تیزلیک‌ده یاردمچی کوچلر ییتیب کیلیشی کوزه‌تیلگن. اما طالب‌لر اعلامیه ترقه‌تیشلری بیلن تخار ینگی قلعه تومنینی آلگن‌لیکلرینی ادعا قیلگن‌لر.
باشقه بیرتاماندن اوتگن کوندن حاضرگه قدر تخار اشکمش تومنیده اورش شدت بیلن دوام ایتماقده. تخار پولیس سوزلاوچیسی نینگ بیلدیریشیچه، محلی حکومتی کوچلر جنگریلرگه قرشی کوره شیشلرینی یخشی‌لیک بیلن دوام بیرماقده‌لر.
آقشام ساعت 7:20 ده
طالب‌لر تخار ولایتی اشکمش تومنی بیلن کندوز چیگره‌سینی اوز تصرف‌لریگه آلگن‌لیکلرینی بیلدیره‌دی؛ اما تخار پولیس سوزلاوچیسی خلیل اسیر، مذکور تومن سقوط قیلیشینی رد قیله‌دی. ایتیلیشیچه، شو حاضر اوشبو تومنده اوروش شدت بیلن دوام ایتماقده.
کندوز پولیس سوزلاوچیسی نینگ ایتیشیچه، طالب‌لر ولایت پولیس باشقرمه‌سی‌نینگ تصرف قیلیشلری بیلن، قومندان‌لیک ساختمانینی اوتگه تارتگن‌لر. اونگه کوره، پولیس باشقرمه‌سیگه قمراوگه قالگن پولیس کوچلری، محل‌دن قاچیش‌گه موفق بولگن‌لر.
شونینگ‌دیک جناب حسینی کندوز شهریده‌گی آلتین فروش‌لیکلر بوتونلی تالانگه آلینگن‌لیگینی بیلدیره‌دی.
حسینی نینگ ایتیشیچه، تازه نفس کوچلر کندوز شهریگه ییتیب بارگن‌لر و شوحاضر شهر میدانلریده طالب‌لرگه قرشی عملیات اوتکزیش اوچون اوروشگه تیارگرلیک آلماقده‌لر.
ینگی:
کندوز ولایتی کینگش اورین باسری نینگ سلام‌وطندار بیلن صحبت قیلیب ایتیشیچه، کندوز قومندان‌لیگی هم طالب‌لر قولیگه سقوط قیلگن.
بوندن آلدین
کندوز ولایتی کینگش اورین باسری امرالدین ولی‌نینگ بیلدیریشیچه، کندوز شهری طالب‌لر قولیگه سقوط قیلگن. جناب ولی‌نینگ ایتیشیچه، حاضرگه قدر، امنیتی کوچلر مرکزدن اوروش بویروغینی قولگه کیریتمه‌گنلر و شو اوچون هم طالب‌لرگه قرشی اوروش قیلمه‌گنلر.
کندوز پولیس سوزلاوچیسی سید سرور حسینی هم خبرنی تأیید قیلیب ایتیشیچه، شوحاضر طالب‌لر کندوز پولیس مرکزی‌گه هجوم ایلتگن‌لر و حاضرگه قدر ولایت امنیت ریاستی طالب‌لر تصروفی‌گه کیرگن و کندوز قماق‌خانه‌سی ده‌گی زندانی‌لر ایسه قویب یوباریلگن.
عین حالده تخار ولایت سوزلاوچیسی سنت‌الله تیمورنینگ سلام‌وطندارگه بیلدیریشیچه، شوحاضر طالب‌لر تخار ولایتی اشکمش تومنی تامان یوروش ایلتماقده‌لر.
کندوز ولایتی کینگشی اورین باسری نینگ ایتیشیچه،، کندوز ده‌گی بیرلشگن ملت‌لر تشکیلاتی یا یوناما دفتری، قوم یاش اولوغ‌لری و دولتی رسمی‌لر اولتیریش اویلری طالب‌لر تامانیدن اوتگه تارتیلگن.
بوباره‌ده بیزنی ایزلنگ!
