په افغانستان کې د امریکا سفیر په یوه ټویټ کې لیکلي چې پر ماشومانو په زوره کار او بچهبازي باید پای ته ورسېږي. نن د جولای دېرشمه او له انساني قاچاق سره د مبارزې نړیواله ورځ ده.
په افغانستان کې د امریکا سفیر راس وېلسن په همدې مناسبت له دولت نه غوښتي چې په دغه هېواد کې په زوره کار او بچهبازۍ ته د پای ټکی کېږدي.
وېلسن ویلي، هغه کسان چې په زوره ماشومان کار ته اړ باسي او یا بچهبازي کوي، باید ځواب ووايي.
د نشهيي توکو او جرم پر وړاندې د ملګرو ملتونو د دفتر عمومي مدیر هم ویلي چې قاچاقیان هره ورځ د نړۍ په ټولو هېوادونو کې د خپلو ګټو لپاره له خلکو کار اخلي.
د یاد دفتر عمومي مدیر غدا فتح ولي د انساني قاچاق نړیوالې ورځې په مناسبت په یوه پیغام کې ویلي چې بېوزله او زیانمنونکي تر بل هر چا له ګواښ سره مخ دي.
د نوموړي په وینا، له ۷۰ سلنې ډېر پېژندل شوي قربانیان ښځې او نجونې دي او د قربانیانو شاوخوا یو پر درېیمه برخه ماشومان جوړوي.
