د اوبو او برېښنا سرپرست وزیر محمدګل خلمي د اوبو په پنځمې ملي غونډې ته ـ چې کابل کې جوړه شوېوه ـ وویل چې په هېواد کې د اوبو د مهارولو ظرفیت ډېر شویدی.
ښاغلي خلمي وویل، په هېواد کې د بیاموندلکېدونکیو اوبو د کلني میزان کچه ۴۹میلیارده متره مکعبه ده او د ځمکې لاندې اوبو کچه ۱۷میلیاردو مترو مکعبو ته رسېږي؛ خو ځېنې ستونزې د دې لامل شوې چې د اوبهییزو سرچینو نه کمه ګټنه وشي.
د اوبو او برېښنا سرپرست وزیر وايي، د اوبو ملي سکتور ستراتيژي او د اوبو قانون د اوبو د سرچینو د ښهوالي، د ښې حکومتولۍ او له ګاونډیو هېوادونو سره د افغانستان د سرحدي پولو په اړه بیا لیدنه کوي.
د ښاغلي خلمي په وینا، د اوبو د ملي سرچینو او د اوبو د مهار ملي پراختیايي پروګرامونو په عملي کېدلو سره د سطحي او د ځمکې لاندې اوبه په ۱۳۹۷ کال کې نسبت ۱۳۸۱ کال ته له ۲۱میلیاردو مترو مکعبو نه ۲۶متره مکعبو ته ډېرې شوېدي.
د اوبو او برېښنا وزارت چارواکي وايي، د اوبو د ودانیو د اصلاح ملي پروګرام، د اوبو ورکولو ۲۱۰۰ پروژې بیارغول شوېدي چې په پایله کې یې ۷۰۰ هکتاره ځمکې ـ چې مخکې له اوبو محرومې وې ـ اوبو ته لاس رسی پيدا کړ.
د اوبو او انرژۍ وزارت چارواکیو په وینا، له اوبهييزو سرچینو نه د ګټنې کچه به په ۱۴۰۲لمریز کاله پورې له ۲۶ میلیاردو مترو مکعبو نه ۲۹میلیاردو مترو مکعبو ته لوړه شي.
ورته مطالب:
«که د زېرمو ګواښونه لېرې نهشي؛ ۵کاله وروسته به کابل اوبه ونهلري»
