د پېښې شاهدان وايي چې د بهرنیو ځواکونو په شپنو عملیاتو کې د کندوز ښار په تلوکه سیمه کې ۱۳ ملکي وګړي وژل شوي. د دوی په خبره، دا ټول د دوو کورنیو غړي دي چې ماشومان او ښځې هم پهکې شاملې دي.
د عیني شاهدانو په وینا، پهدې پېښه کې یو ملکي وګړی ټپي شوی هم دی.
د تولکه سیمې اوسېدونکي عبدالله وايي چې د کورنۍ ټول غړي یې د امریکايي ځواکونو په هوایي بمباریو کې وژل شويدي.
د کندوز د ولایتي شورا رییس محمدیوسف ایوبي دا پېښه تاییدوي.
.jpg)
په ورته وخت کې د تولکه سیمې اوسېدونکیو د شعارونو په ورکولو سره جسدونه د کندور ولایت مقام مخې ته راوړي او د هوايي عملیاتو د درولو غوښتونکي دي.
تراوسه د کندوز امنیتي مسوولانو پهدې اړه څه نهدي ویلي.
