د بلخ ولایت د زارع او کشنده ولسوالیو پر لویه لاره د ناپېژاندو وسله والو کسانو له لوري ۱۳ تنه مسافرین، چې په سراچه او کرولا موټرو کې سپاره وو؛ له موټرو یې راښکته کړي او وژلي یې دي.
د دغه ولایت د امنیې قومندانۍ د امنیت امر جنرال عبدالرزاق قادري سلام وطندرا ته وویل، دغه مسافرین د کشنده ولسوالي نه زارع ولسوالي ته تلل.
قادري وايي، چې د دې پېښې د قربانیانو هویت نه دی معلوم او د پېښې عاملین د نیول له پاره د پولیسو هڅې روانې دي.
دا لومړی ځل نه دی، چې دا پېښې رامنځته کیږي، څه وخت وړاندې هم د میدان وردګو ولایت په سید اباد ولسوالۍ کې ۱۳ تنه مسافرین له موټر څخه ښکته او بیا ووژل شول.
