د تهمینه جنجوا په مشري یو پاکستاني پلاوی نن کابل ته راغلی دی. د افغانستان د بهرنیو چارو وزارت ویاند شکېب مستغني وویل، دغه پلاوی د کابل ـ اسلاماباد اړیکو پیاوړي کولو په موخه افغانستان ته راغلی دی.
ښاغلی مستغني وايي، راغلي پلاوي په افغانستان کې د وروستیو بریدونو په اړه اسلاماباد ته د افغان پلاوي لهخوا د ورکړل شویو اسناد هرکلی کړی او وايي، هېواد یې په دې برخه کې څېړنې پیل کړي دي.
.jpg)
د پاکستان د بهرنیو چارو وزارت مرستیالې تهمینه جنجوا ویلي دي، د یو بل د ملامتولو پرځای باید کابل ـ اسلاماباد باید عیني همکاري ولري.
تېره ورځ ولسمشر غني له اسلاماباد څخه وغوښتل، چې په پاکستان کې دې د طالبانو پټن ځایونه ویجاړ کړي.
غني دغه راز پاکستانیو چارواکیو سره د ترهګرو نوملړ او د هغوی د مرکزونو په برخه کې د یو منظم لېست وړاندې کولو ته په اشارې وویل، چې د طالبانو مرکز په پاکستان کې دی او هغه حکومت باید په دې برخه کې پرېکړه وکړي.
