.jpg)
افغانستان ایچکی ایشلر وزیرلیگی‌نینگ رسمی‌لری، واشینگتن پُست کونده‌لیگی‌نینگ گزارشی‌نی رد قیلدی. اوشبو کونده‌لیک نینگ سونگی گزارشی‌ده ایتیشیچه، امریکا خاص کوچلری کیچه تامانیدن کابل‌ده اویمه اوی عملیات‌لرگه قول اوره‌دیلر.
اوشبو کونده‌لیک ناتو کوچلری عمومی قومندانی جنرال جان نیکلسون دن نقل قیلیب یازیشیچه، قوراللی طالب‌لر کابل شهریده جایلشگن و بو ترماق اعضالری تانیلیب و نابود ایتیلیشی کیره‌ک.
واشینگتن پُست ناتو عمومی قومندانی‌دن نقل قیلیب دوامیده ایتیشیچه، بوندن سونگ امریکا خاص کوچلری افغانستان امنیتی کوچلریگه همکارلیک قیلیب و کیچه تاماندن عملیات‌لر یولگه قوییب و اویلرنی تیکشیره‌دی.
.jpg)
بیراق، ایچکی ایشلر وزیرلیگی سوزلاوچیسی اورین باسری نصرت رحیمی، واشینگتن پُست تامانیدن ترقه‌تیلگن گزارشنی کیسکین رد قیلیب ایتیشیچه، افغانستان امنیتی کوچلری یالغیزلیک‌ده کیچه تاماندن عملیات اوتکزیش گه قادر دیر و تشقی کوچلر بونده‌ی عملیات‌لرده اشتراک قیلمه‌یدی.
ایچکی ایشلر وزیرلیگی سوزلاوچیسی اورین باسری‌نینگ کوپه‌یتیریشیچه، کابل‌ده اوتکزیله‌دیگن برچه عملیات‌لر امنیتی کوچلر تامانیدن یولگه قوییله‌دی و تشقی یالغیز کشف و استخبارات بولیمی‌ده امنیتی کوچلرگه یاردم بیره‌دیلر.
