افغانستان له هند سره د یوې موافقې پر اساس د ۱۳۰ زرو ټنو غنمو قرارداد لري چې د دې ۴۵۰۰ ټنه يې هلمند ته ورکړل شوي. دا غنم د بېړنیو پیښو پرمهال اړمنو کورنیو سره د مرستې په پار لېږل شوي؛ د دې غنمو څخه ۲۵ ټنه يې غلا شوي.
د هلمند والي محمد یاسین خان که څه هم د غلا شویو غنمو اندازه ونه ښودل؛ خو وايي امنیتي او کشفي ادارو غنم بېرته تر لاسه کړي او پهدې اړه څېړني روانې دي د غلا شویو غنمو کسان ونیسي.
خو بلهخوا د هلمند ولایتي شورا رییس عطاالله افغان وايي، دوی ته پهدې اړه معلومات رسېدلې چې د نادعلي ولسوالۍ د ټولنیزي شورا پخواني مشر محمدنبي الفت په نوم غنم د یوې رسمي عریضې پر اساس د اړمنو کورنیو لهپاره غنم وړل شوي؛ خو اړمنو کورنیو ته د ورکړې پرځای یې په بازار کې وړه شوې بڼه پلورل.
د ده په خبره، وړړه په بازار کې لیدل شوي او امنیتي او کشیفي ارګانونو په دې اړه نورې څېړنې پیل کړېدي.
د دې پوري شوي تور په اړه د هلمند نادعلي ولسوالۍ د ټولنیزي شورا پخوانۍ مشر محمد نبي الفت وايي، پر ده لګول شوی تور بېبنسټه دی او په وینا یې ده کله هم عریضه یا وړاندیز نهدی کړی.
د ده په خبره، د غنمو غلا نوې موضوع نهده بلکې لهدې مخکې هم د شمال نا امنو ولسوالیو غنم راویستل کېږي او په بازار کې پلورل کېږي.
دا چې هلمند کې د ۲۵ ټنه غلا شویو غنمو په اړه به څومره څېړنه کېږي او په ازاد بازار کې به يې د پلورلو مخه نیول کېږي او که نه؛ د هلمند والي له لوري د ټاکل شوي پلاوي له لوري څېړل کېږي او پایلو ته يې باید انتظار و ویستل شي.
