هلمند حاکمی‌نی سوزلاوچیسی عمر زواک نینگ ایتیشیچه، اوتگن کونی ایکینچی‌لر ایامی‌دن نشانلش مراسم ده صورت تاپگن پارتلش‌ده 4 کیشی هلاک و باشقه 44 کیشی یره‌لنگن دیر.
زواک نینگ کوپه‌یتیریشیچه، پارتلش ماده خرما درخت‌لری‌نینگ آره‌سیده جای‌لشتیریلگن ایکن و ولایت حاکمی کیرگن بیر چاغده پارتله‌تیلگن.
عین‌حالده، چیگره پولیس کوچلری نینگ 4- لوا قومندانی ظاهرگل مقبل بو واقعه‌ده یره‌لنگن. اونینگ ایتیشیچه، پارتلش ماده بیر گلدان‌ده جای‌لشتیریلگن ایکن ونابینا بیر کیشی‌نینگ قولیگه پارتلگن.
اوشبو واقعه مسوولیتی‌نی طالبان گروهی بوینیگه آلگن.
