.jpg)
هلمند ولایتی نینگ 50% تاریخی آبده‌لری ولایت نینگ اوزاق حدودلریده جایلشگن. هلمند یوزلب تاریخی قلعه‌گه ایگه ولایت سنه‌له‌دی. بو قلعه‌لردن بیری بُست تاریخی قلعه‌سی دیر. لیکن، مذکور قلعه شامل باشقه قلعه‌لر هم نابود بولیش عرفه‌سیده تورگن.
هلمند ولایتی نینگ بیر قطار یشاوچیلری نینگ سلام‌وطندارگه ایتیشیچه، ولایت نینگ اوزاق حدودلریده جایلشگن تاریخی آبده‌لر نابود بولیش عرفه‌سیده تورگن. اهالی ولایت اخبارات و مدنیت ریاستی مسووللرینی مساله توغریسیده بی‌فرقلیککه عیبله‌گنلر.
هلمند ولایتی نینگ یشاووچیسی محمدنبی، بُست و باشقه قلعه‌لرده تاریخی آبده قالمه‌گن. تاریخی آبده‌لر بار ییرلرنی اهالی ایکین ییرگه ایلنتیرگنی ایتیله‌دی.
هلمند ولایتی نینگ ینه بیر اهالیسی عبدالولی دولت‌دن اهالیگه تاریخی ییرلرنی ایکین ییرگه ایلنتیریش اوچون رخصت بیرملس‌لیگینی سوره‌گن.
.jpg)
شونینگدیک ولایت نینگ بیر قنچه مدنی فعاللری هم هلمند ده تاریخی آبده‌لر یوق بولیشی اوچون ولایت اخبارات و مدنیت ریاستی نینگ مسووللرینی بی تفاوتلیک‌که عیبدار بیلگنلر. مدنی فعال حافظ احمد نصرت، هلمند ولایتیده‌گی تاریخی آبده‌لر دایمی سقله‌نیب قالیشی اوچون حکومت معین ریجه نظرده توتیشی کیره‌ک دیدی.
لیکن، ولایت اخبارات و مدنیت ریاستی نینگ رسمیلری، ولایتده‌گی تاریخی آبده‌لرنینگ کته قسمی سابق زمانلریده نابود بولگن لیگینی ایته‌دیلر.
هلمند اخبارات و مدنیت ریاستی نینگ باشلیغی فریداحمد فرهنگ، شهزاده حسین مقبرهسی سابق جمهور رییس حامد کرزی حکومتی‌ده قیته قوریلگن، اما آبده‌نی نظارت قیلیش اوچون وظیفه آلگن اداره بو توغریده بی‌فرق یانده‌گشنی اوچون بعضی تاریخی آبده‌لر ایمیریلیب کیتگن دیدی.
شونینگدیک هلمند اخبارات و مدنیت ریاستی نینگ باشلیغی قلعه بُست و علامه ابن‌حبان زیارتی کیلگوسی ییل‌ده قیته قوریله‌دی یدگن.
