بامیان فرهنگی مرکزینینگ قوریلیش ایشی رسماً باشلندی. بو لایحه اوچون 5 میلیون امریکه دالری صرفلهنیشی انابتگه آلینگن. بو مرکزنی ایش لایحهسینی مالی دستکلاوچی جنوبی کوریانینگ ایلچی حضوریده تمل تاشی قوییلدی. لایحه اوچون اینگ یخشی طرح نی بیریشده ایکّی ییلدن بیری 117 مهندس رقابت قیلگنلر. آخرگه کیلیب، آرژانتیلنک مهندسلرنینگ لایحهسی قبول بولگن.
بامیان فرهنگی مرکزی اوچ بولیم؛ موزیم، کتابخانه و مرکزنی مدنی و هنری ساحه ده رواجلنتیریش اوچون اجتماعی بیر تالار قوریلیشی دن عبارت.
لایحهنینگ ایشی رسماً باشلهنیش مناسبتی بیلن اوتکزیلگن ییغینده قتنشگن ولایت والیسی محمد طاهر زهیر، اوشبو فرهنگی مرکزنینگ ایشی اوز پایانیگه ییتگندن سونگ ولایتده برچه تاریخی و باستانی آبده لری شو مرکزده سقلنه دی دیگن.
جناب زهیرگه کوره، سقلهنیشی اوچون مملکتدن تشقریگه آلیب کیتیلگن تاریخی و باستانی آبده لرهم آلیب کیلینب بو ییرده سقلهدی.
لایحهنینگ بیرینچی وایکّینچی باسقیچینی تکمیل ایتیلیشی اوچون 18 آی نظرده تویلگن. بامیان فرهنگی مرکزینینگ اوچینچی باسقیچ ایشی مالی امکانیتی مملکت شهر قوریش وزیرلیگی تامانیدن تولهنیلهدی.
افغانستانده جنوبی کوریانینگ ایچلیسی چین کی هون، بو مملکت مالی حمایت بیلن قوریلهجک بیرینچی لایحه ایکن لیگینی ایتگن. او، بو ییریک لایحه ایکّی مملکت خلقی اوچون سمبول رمزیگه ایلنیشی اوچون امید بیلدیرگن.
ایتیلیشیچه، مذکور فرهنگی مرکزنینگ تشقی ایوانی دم آلیش مرکزی اولراق قوریلهدی. بامیان افغانستاننی قدیمی ولایتلریدن حسابلنهدی. بو ولایت اوزاق ییللردن بیری بیر قنچه تاریخی و مدنی آبدهلرنی اوز بغریگه جای بیرگن.
