غزنی ولایتیده سینما بیر هفته جریانیده دوشنبه کون عیاللر اوچون و پنجشنبه کون ایرککلر اوچون ینگی فلم کورگزمه گه قوییشیدن 39 ییل اوتماقده.
زورهوانلیک، افراطیت و سینما تینچلیگیدن کوپ ییللر اوتگنیدن سونگ، غزنی ولایتینینگ مدنیت و معلومات ریاستی، یونسکو مالی همکارلیگی بیلن مذکور شهرنینگ سینماسینی قیته فعال قیلیشی توغریسیده قرار قیلگن.
غزنی ولایتینینگ مدنیت و معلومات ریاستی باشلیغی بشیر محمدی، مذکور ولایتنینگ سینماسی قیته فعال قیلینیشیدن مقصد، مملکت فلم توزهتووچیلرینی حمایت قیلیش و یشاوچیلر سینما دنیاسی بیلن تانیشیش دییدی.
مدنیت حوزهسیده فعالیت قیلهدیگنلر مدنیت و معلومات ریاستینینگ بو حرکتی و قراریدن حمایت بیلدیرگنلر. عین حالده، سینما یخشی شکلده مدیریت ایتیلمسلیگی، یمانلیککه تارتیلیشی و دقت سیزلیک مدنیتچیلرنی خواطرگه سالگن.
شونینگدیک، سابق حکومتلر غزنیده تئاتر و سینما اوچون جای اجرهتگن ایکن، سونگی 15 ییلده افغانستانده میدیا ایرکین شکلده رواجلندی، لیکن سینما تقدیریدن هیچ خبر بولمهدی و حاضر احتمال باریچه سینما و تئاتر اوچون اجرهتیلگن جایلر قولدن کیتگن.
