هلمند ولایتیده محلی صنعتکارلردن بیری حبیبالله شباب نینگ مملکت نی ایریم منطقهلریده اوزیگه خاص علاقهمندلری بار.
شباب نینگ ایتیشیچه، ناتینچلیکلر کینگهیگنی باعث، صنعتکارلردن بیرقطاری، ایشلریدن قول تارتیشگن. اوشبو محلی قوشیقچی گه کوره، محلی صنعتکارلرنینگ بیرینچی درآمد یولی صنعتلری دیر؛ بیراق ناتینچلیک باعث، خرسندلیک برنامهلری آز یولگه قوییلهدی و اولر ایسه برنامهلرده قتنشه آلمهیدیلر.
شباب نینگ ایتیشیچه، حاضرگهقدر هلمند ولایتیدهگی محلی قوشیقچیلردن 5 تهسی صنعتکارلیکدن قول تارتیشگن.
شونینگدیک، هلمند یشاوچیلریدن بیرقطاری، محلی صنعتکارلرنینگ وضعیتی یامانلیگیدن خواطر بیلدیریب ایتیشیچه، محلی قوشیقچیلر حمایت قیلینمهگن صورتده، محلی صنعت تیز یا-ده کیچ یوق ایتیلیب و جایی نی غرب موسیقهسی آلهدی.
عین دمده، هلمند ولایتی بوییچه مدنیت و معلومات ریاستی صنعتچیلرنینگ قیینچیلیکلرینی تَن آلیب ایتیشیچه، محلی صنعتکارلرنینگ اقتصادی قیینچیلیکلرینی حل قیلیش اوچون سعی و حرکت قیلهدی.
هلمند ولایتی بوییچه مدنیت و معلومات ریاستی نینگ صنعتی فعالیتلرنی کوزهتووچی مسؤولی مطیعالله یاسین نینگ ایتیشیچه، محلی صنعت گه قرشی اساسی توسیق ناتینچلیک دیر.
محلی صنعتکارلرگه کوره، هلمند ولایتیده بولگن 35 محلی صنعتکاردن 10 تهسی اوتگن نیچه ییل جریانیده صنعتکارلیکدن قول تارتیشگن و باشقه کمیده 25 تهسی موجود قیینچیلیکلرگه قرهمهی فعالیتلریگه دوام بیرماقده.
