بالهلر ادبیاتی دقت چیککنی باعث، سونگی آیلرده بالهلرگه عاید حکایهلر و گزیتهلر چاپ ایتیلیب نشر قیلینیشی کوپهیگن. کابل ده بیر نشریات تامانیدن بالهلرگه عاید 10 دن آرتیق حکایه کتابی نشر قیلینیشی گه علاوه، سونگی آیلرده شهرناز جورنالی و کودکخبر وبسایتی بالهلر ادبیاتی کاروانی گه قوشیلگن.
کودکخبر وبسایتی مدیری ظفرشاه رویی نینگ ایتیشیچه، افغانستان بالهلری اورگتیش و تربیهلش منبعلریدن ییترلیچه فایدهلنه آلمهیدی.
جناب رویی گه کوره، درس و تعلیم دن اوزاق قالیب و آغیر ایشلرنی بجریش گه مجبور بولگن بوتون بالهلرگه پروفایل توزهتیش کودکخبر وبسایتی نینگ اساسی ایشلریدن بیری سنلهدی.
او، خیرلی کیشیلر و قوریلمهلردن بالهلرنینگ وضعیتی یخشیلنیشی اوچون همکارلیک قیلیشلرینی ایستهگن.
شهرناز جورنالی مدیری بینظیر طاهریان نینگ ایتیشیچه، مهاجرلیک دورانیده بالهلر ادبیاتی گه قول تاپه آلمهگن و حاضر شهرناز مجلهسینی یولگه قوییب بالهلر ادبیاتی گه بالهلر قول تاپیشی توغریسیده زمینه یرهتهدی.
خانم طاهریان نینگ ایتیشیچه، باشکینت و ولایتلرده بالهلر ادبیاتی و بالهلر وضعیتی تأسفلی دیر و بوندن آلدین مملکت ده نشر قیلینهدیگن بالهلرگه عاید گزیتهلر معلومات نقطهی نظریدن بای ایمس ایکن.
بالهلر ادبیاتی امانالله خان نینگ زمانیده افغانستان مطبوعاتی گه کیردی و او زمانده نشر ایتیلگن بیرینچی نشریه سراجالاطفال ایدی.
شو توغریده…
ایشچی بالهلرگه خاص ملی استراتیژی یولگه قوییلدی
