اوشبو احتفال اوتگن کون (جمعه) توشدن کیین تورکیهنینگ سکریا شهریده شعر مخلصلری همده تیل شیدالری قتنهشیشی بیلن رشاد موسسهسی تامانیدن آلیندی.
فاریاب ولایتیده فعالیت قیلهدیگن رشاد اکادمیک موسسهسی نینگ باشلیغی عبدالرشید رشاد بوندهی احتفاللرنی یولگه قویشدن هدف، افغانستانده سوزلشیلهدیگن تورک تیلی رونقی و ییگیتلرنی دستکلش دیگن.
شونینگدیک سکریا ده تحصیل آلهدیگن افغانستانلیک طلبهلر، اوزبیک شاعر و ژورنالیستی محمدهاشم همدم فاریابی نینگ «سیزدیم و سیودیم» ناملی شعرلر توپلمیدن ایریم پرچه شعرلرنی دکلمه قیلیب محفلنی تاباره چیرایلنتیردیلر.
احتفالده قطار ییگیتلر قوشیمچه افغانستان تانیقلی سیاستچیسی و نمایندهلر مجلسی نینگ سابق منشیسی سردار محمد رحمان اوغلی صحبتگه چیقیب، اوزبیک ادبیاتی تورلی ساحهلرده اونیب اوسیشیگه سببچی ییگیتلر، عینی دمده تحصیل آلیب میهلری بیلیمدن تولگن یاشلر اولکهلری کیلهجگیگه ایجابی اوزگریش کیلتیریشده هر بیر شخصدن کوره فعال حصه قوشیب تأثیرلی بولیشلرینی تأکیدلهدی.
جناب رحمان اوغلی افغانستاننی حاضرگی امنیتی، اقتصادی، سیاسی و اجتماعی وضعیتینی اوزگرتیریش یگانه یولی یاشلرنی تحصیل آلیب تورکیه خلقی و دولتی یرهتگن دموکراتیک شیوهلرنی اولکهلریگه اورنهتیشی ایلک چاره تدبیرلر دیه بیلهدی.
تورکیهده دوکتورلیک دوره سیده تحصیل آلیب تورگن یاشلردن فاروق کیسکین، تورکیه شهریده بوندهی احتفاللر آلینیشی افغانستان و تورکیه ده تحصیل کورهدیگن یاشلرنی یقینلشتیریشگه سببچی دیب بیلهدی.
شونینگدیک، پروفیسور غلام محمد میمنگی مدنی انجمنی باشلیغی عبدالغفور توران کیله جکده شوندهی احتفاللر بولیب اوتیشی و تیل اوسیشیگه جدی حرکت قیلیب تورگنلرینی اورغولب یاش شاعر محمدهاشم همدم فاریابیگه اوزبیک – تورکچه سوزلیگینی ساوغه قیلدی.
اثر صاحبی محمدهاشم همدم مذکور احتفالنی یاشلر و رشاد بیلیم یورتی تمانیدن اوتکزیلگنی، حیاتیده منگو خاطره قالیش بارهسیده اشاره قیلیب، اون ییل مابینیده تیل، تاریخ و اولکه سیده روی بیرگن واقعهلر عکس ایتیریلیب یازیلگن اون ییللیک زحمتی ایکن لیگینی معلوم قیلگن.
سیزدیم و سیودیم اثری فاریاب حاکمی سید انور سادات مالی یاردمی و فاریاب مدنی جامعهسی اویغونلیگیده چاپدن چیققن. بوندن ایکی کون آلدین، اوشبو اثر قوشیمچه 6 عنوان کتاب فاریاب حاکمی اشتراکیده ولایت مرکزی میمنه شهریده کتاب مخلصلری اختیاریگه قوییلدی.
