کیمبریج یونیورسیتیی عالِملری 49 یاشدن 79 یاشگچه بولگن 25 مینگ کیشی اشتراکیده ییریک تدقیقات اوتکزیب، شوندهی خلاصهگه کیلیشدی.
هر کونی بیرته آلمه استعمال قیلگن کیشی نینگ عمری اوچ ییلگه اوزهیر ایکن. آلمه ترکیبیده بیریکتیرووچی توقیمهلر و پیکتین جوده کوپ، – دییدی بیولوژی فنلری دوکتوری یی.تېریاشینه. – پېکتین طبيعي پولیمېر بولیب، ضررلی (رادیواکتیف) مادّهلر، آغیر میتالر، کلسترولنی یوتیش و اولرنی اورگانیزمدن چیقریب یوباریش خصوصیتیگه ایگه.
شونگه کوره، بو نعمت ایچکلرنی و قاننی تازهلهیدی، ایچک میکرافلارهسینی تیکلهیدی، قاندهگی قند مقدارینی کمهیتیرهدی، ایمونیتیتنی مستحکملهیدی. بو ایسه، حقیقتدن هم، عمرگه عمر قوشیلهدی، دیگنیدیر. آلمه نینگ اورگانیزمنی سرطان خستهلیگیدن حمایهلشی هم اثباتلنگن. نیگهکه، انتیاکسیدنتلر نینگ کوپلیگی جهتدن آلمهگه کیلهدیگن میوه یوق.
آلمه توقیمهلرنی شکستلاوچی ایرکین ردیهکهللرنی یقینللشتیریب، سرطانگه قرشی کوچلی تأثیر کورسهتهدی. انتیاکسیدنتلر آلمه نینگ مغزیده بسیار، اینیقسه، پوستیده کوپراق. عالِملر آلمه نینگ پوستیده تریتیرپیناید دېب اتهلووچی اورگانیک بیریکمهلر موجودلیگینی هم کشف ایتیشدی. بو بیریکمه کوکرهک بیزیده، جگر و یوغان ایچکده سرطان توقیمهلری کوپهییشی نینگ آلدینی آلهدی. کوچلی انتیاکسیدنت حسابلنووچی فلوانایدلر آلمه نینگ پوستیده اونینگ مغزیگه قرهگنده 2-3 برابر، فینال کیسلاتهلری ایسه 2-6 برابر کوپ ایکن.
شونی هم اونوتمسلیک کیرهککی، آلمه درختلری ضررکنندهلرگه قرشی دارولنهدی، شونینگدېک، خارجدن کیلتیریلهدیگن آلمهلرگه اوزاق وقت سهقلنیشی اوچون کیمیاوی ایشلو بیریلهدی. بولرنی حسابگه آلیب، استعمال قیلیشدن آلدین اولر نینگ پوستینی ایسّیق سوو و صابون بیلن یخشیلب یوویش ضرور.
کیلهجکده آلمه نینگ فایدهلی خصوصیتلری اساسیده سرطان خستهلیکلرینی دوالش اوچون ینگی پرېپارات یرهتیلیشی ممکن، دییشماقده عالِملر. فلوریدا یونیورسیتیی عالِملری 45 دن 65 یاشگچه بۉلگن بیر گروه عیاللر نینگ آش – طعامیگه بیر ییل دوامیده کونیگه 75 گرامدن آلمه قاقی قوشیب بیریب، تدقیقات اوتکزدیلر.
سینو دوریده اولر اورگانیزمیدهگی کولستیرین مقداری تحلیل ایتیب باریلدی. آرهدن آلتی آی اوتیب، اولرده قان تامیرلرده تاشمه حاصل قیلووچی، اتېراسکلیراز، یورهک خروجی و اینسولتگه سبب بولهدیگن یمان کولسترینلر مقداری اۉرتهچه 23 فایزگه، شونینگدېک، یورهک خروجیگه سببچی دیب قرهلهدیگن بیامرکیرلر مقداری هم خیله کمهیگنی قید ایتیلدی.
بوندن تشقری، آلمه قاقی تناول قیلگن عیاللر 1،5 کیلوگرامگچه وزنلرینی یوقاتیشگن. آلمه معده – ایچک آغریقلرینی هم یېنگیللشتیرهدی. آلمهدهگی بیریکتیرووچی توقیمهلر میکرافلارهنی موازنتده سهقلب، قبضیتگه قرشی معالجه بولهدی، – دییدی گستراینتېرالاگ شفاکار س. کاسیوره. – آلمهدهگی اورگانیک کیسلاتهلر طعام هضم بولیشیگه یاردم بیرهدی، میکرافلاره ساغلاملیگینی تأمینلهیدی.
آلمه اوت هیدهش خصوصیتیگه هم ایگه. شو سببلی شفاکارلر جگرده تاش بولگنده آلمه استعمال قیلیشنی توصیه ایتیشهدی. بیراق شفاکارلر گستریت، پنکریهتیت همده معده یرهسی بار کیشیلرگه اوته ناردان آلمهلرنی استعمال قیلیشنی توصیه ایتیشمهیدی. قورده، دوخاوکهده یاکه دیملب پیشیریلگن آلمه ایسه بو خستهلیکلرنی دوالشده قول کیلهدی.
