پکتیا ولایتی نینگ مدنیتچیلری، اوشبو ولایتده تأریخی اثرلر نابود بولیشی دن خواطر بیلدیرگنلر.
پکتیا ولایتی نینگ مدنیتچیلریدن بیرقطاری، علمی بیر ییغین یولگه قوییب ایتیشیچه، حکومت و بیرلشگن ملتلر تشکیلاتی نینگ علمی، مدنی و تعلیمی تشکیلاتی (یونسکو) بو ولایت نینگ تأریخی نرسهلرینی ایسدن چیقارگن و بو اثرلردن کوپینچهسی نابود بولماقده.
اولرنینگ ایتیشیچه، اوشبو ولایت نینگ تأریخی اثرلری اینیقسه بالاحصار آبدهسی قیته قوریلیشی کیرهک.
بیراق، پکتیا ولایتی نینگ مدنیت و معلومات ریاستی مسؤوللرینینگ ایتیشیچه، دستلب اوشبو تأریخی آبده نینگ سابقهسینی تیکشیرهدیلر و اوندن سونگ، قیته قوریش گه باشلهیدیلر.
مملکت جمهور رئیسی محمداشرف غنی، نیچه وقت آلدین پکتیا ولایتی گه قیلگن سفریده، بالاحصار تأریخی آبدهسی قیته قوریلیشی اوچون 5 میلیون دالر اختصاص بیردی؛ بیراق او زماندن حاضرگچه مذکور آبده قیته قوریلیشی توغریسیده هیچ بیر ایش قیلینمهگن.
