غور ولایتینینگ شهرک و دولینه تومنلریدن قطار منطقهلرنینگ طالبان قولیگه سقوط قیلگنی دن سونگ، اوشبو گروه و باشقه کیشیلر جام تاریخی منار اطرافینی قازیشگه قول اورگنلر.
غور ولایت کینگشی اعضالریدن بیرقطاری، جام منارینینگ طالبان قولیگه توشگنی دن خواطر بیلدیریب ایتیشیچه، حکومت بو توغریده دقت قیلمهگن صورتده غور جام منارینینگ نابود ایتیلیشی ممکن.
غور مدنیت و معلومات اداره باشلیغی فخرالدین آریاپور، بو خبرنی رد قیلهدی؛ بیراق غور ولایتینینگ جام منطقهسیده طالبلرنینگ فعالیتی بولگنی دن خواطر بیلدیرهدی.
جناب آریاپور گه کوره، طالبان گروهینینگ اوتکن کیچه دهگی هجوملریده جام مناری اوت آلیب و اونینگ قطار بولیم لریده اوق اصابت قیلگن.
غور حاکمینینگ سوزلاوچیسی عبدالحی خطیبینینگ ایتیشیچه، حاضرگهقدر جام مناری اطرافینینگ قازیلگنی خوصیده هیچ قندی گزارش قولگه کیلمهگن.
اونینگ ایتیشیچه، قینچیلیکلرگه دقت بولمهگن صورتده جام منارینینگ طالبان قولیگه توشیشی ممکن.
غور محلی مسووللرینینگ ایتیشیچه، ناتیینچلیکلر چکهسیده، سو تاشقین لر هم فرهنگی آبیده لرگه قرشی جدی تهدید دیر.
غور محلی رسمی لریگه کوره، مذکور منار دن محافظت ایتیش اوچون قوریلگن استنادی دیوارلر تخریب بولگن و جام منارینینگ یونسکو دفتری تامانیدن قیتهقوریش ایتیلیشی ممکن.
غور جام مناری مملکت آبیده لریدن بولیب میلادی 12- قرن گه غوریلر امپراتورلیگی تامانیدن توزهلگن. اوشبو منار میلادی 2002-ییلده یونسکو فرهنگی سازمانی گه ثبت ایتیلگن.
