غزنی ولایتیده سونگی یاغگن یامغیرلر نتیجهسیده قلعتالغزنین شرقی برجلریدن بیری ییقیلیب توشدی.
اوشبو خبرنی تصدیقلگن غزنی ولایتی بوییچه مدنیت و معلومات ریاستی باشلیغی بشیر محمدی نینگ ایتیشیچه، مذکور ولایتده سونگی اوروشلر جریانیده قلعتالغزنین برجلریگه اوق تیگیشی و اوشبو تأریخی قلعه یقینیدن یوک تاشیووچی موترلر اوتیشی، بو قلعهنی منارلری و دیوارلریگه هم زیان ییتکیزگن.
غزنی ولایتی بوییچه مدنیت و معلومات ریاستی باشلیغی، مذکور قلعه قیته قوریلیشی اوچون بودجه قولگه کیریتیلیشی خصوصیده سعی و حرکتلر بولیشیدن خبر بیرگن.
بوندن آلدین، غزنی مدنی تشکیلاتلری قلعتالغزنین نی کوپینچه قسمتلری ییقیلیب توشیشی خصوصیده، آگاهلنتیرگن ایدی.
